在夢境與少女相遇後有壞人殺死了我: 第04章 (3)

現實就是如此。
 
梳洗過後，時間差不多到十一點。昨晚也是這個時候上床。
 
躺在床上，我決定換走解鎖頁的前女友合照。
 
因為這張相片，已經沒有意義。
 
 
「咁……換咩相好呢？」我選擇著，最後換了一幅風景照。


 
——大海中間有著一座城堡。
 
城堡只有一條路通往岸邊，此外都被蔚藍的大海包圍。
 
「唔知點解，覺得張相既世界好靚。」
 
然後，關燈，晚安。
 
放下手機。


 
 
「叮噹，叮噹，叮噹叮噹叮噹，叮——噹——」門鐘被發動攻擊。
 
「邊撚個？」我燥底，再度睜開雙眼。
 
拉開被子下床，出去打開大門。
 
「咩事？搵邊個？」我不好氣問。面前是一個長直頭髮、皮膚黝黑、戴大眼con的少女。
 


她仍穿著白色錦質外套，黑色背心和牛仔熱褲，腳趾夾著厚底拖鞋。
 
「Hi，強哥，仲……記唔記得我啊？」MK妹問。
 
跟昨天不同的是，她手上多了一個手提行李袋，臉上有淚痕，眼妝溶了一點。
 
「你係，思……考？」我嘗試回憶，她是我妹妹的朋友。
 
「係呀，我係詩巧啊。」石詩巧說。
 
「咩事？」我問，打個呵欠。
 
「我知你妹妹走左，得返你一個人，肯定好悶，所以咪上黎陪你玩囉。」詩巧笑說。
 
「唔悶。」我說，「而且我諗住訓，無咩事就拜拜喇。」


 
準備關門。
 
「等等……等等啊……」她請求，雙手伸過鐵閘，推住大門。
 
「仲有咩事？」我問。
 
「可唔可以……比我入黎先講？」
 
「唔可以。」我回覆，「你係同屋企人嗌交，再離家出走，定同男朋友嗌交？」
 
「我冇屋企人。」詩巧說，臉色很沉重，不像說笑。
 
「即係同男朋友嗌交啦。」我判斷，「但你搵我都冇用，幫你唔到。」
 


「我想住一晚！我知你屋企冇人。」她搶著說，「老公仔打黎哄番我，我……我就走架喇。」
 
「其實琴日我已經出左黎……」她又說，面露難色，「聽朝我就走架喇，唔會阻住你。」
 
怪不得她沒有換衣服，身上也有點骯髒。
 
「嗱，依個世界好現實。」我說，豎起兩隻手指，「我依加等錢洗，二百蚊三個鐘。」
 
「四百蚊訓過夜，浴室、風筒之類任用。仲有，唔可以嘈住我訓。」
 
「唔貴架喇。」我再說，「最多……隻貓比你任玩。」
 
詩巧馬上打開長方形的銀包，拿出二百三十元。
 
「我得咁多……」她惆悵地說。


 
「頂，仲窮過我。」我說，拉右鐵閘，「入黎啦，唔收你錢喇。」
 
「多謝強哥。」她感激地點頭。
 
「唔好叫我強哥，叫我阿強啦。」我說，遙遙一指，「今晚訓我妹間房，但唔好搞亂啲野。」
 
「喵 ~」貓醒了一秒，翻身捲曲再睡。
 
「唔會搞亂。」她保證。
 
「唉依加啲女仔真係……」我搖搖頭，把門關上，「聽日好走喇，比人誤會就唔好啦。」
 
「係既。」她答應。
 


忽然，頭很重——
 
我覺得頭暈，天旋地轉，發生……什麼事……
 
「我可唔可以沖涼先？」詩巧問，樣子很殘，真的有點骯髒。
 
「可……以。」我左手扶牆，眼前事物亂飛。
 
意識猛被吸走，靈魂快要剝離軀殼。
 
「強哥！你冇事丫嘛？」詩巧緊張地過來。
 
右膝跪下，雙手撐地，我盡量集中精神，保持意識。
 
但還是……抵受不住。
 
「喂，阿強，你唔好嚇我，咩事啊？」詩巧在旁邊。
 
「十一點……正。」我最後看到牆上的時間。
 
「黑——」眼簾閉合，身體伏在地上。
 
——意識被強制進入夢鄉。