在夢境與少女相遇後有壞人殺死了我: 第03章 (7)

看著起火的方向，這時候有一個人影冒出。仔細看清後，是一個穿粉紅色齊胸襦裙的宮女。
 
她竭力奔跑，向著這邊跑來。
 
「公主，前面有人，我去問下咩事。」我說，左手提著木刀，輕步上前。
 
才沒走幾步，我就發現第二個黑影，從宮女後方出現。
 
「騎兵。」我目睹著。
 


那人騎著馬，左手執馬繩，壓前身體操馬狂奔，右手緩緩地拔出一柄大刀。
 
他慢慢垂刀，追近宮女的背部。
 
「小心啊！」我跑過去。
 
「呼、嘖——」刀光由下而上，血從宮女背部噴出。
 
宮女雙腳離地，仆倒地上，便沒有再起來。
 


「哧——」騎兵露出一個蔑視的微笑，便撥馬轉身，往原來的方向奔去。
 
「咯咯、咯咯、咯咯、咯咯……」
 
看著騎兵遠去，我再次起步。
 
「喂！」我喊了聲。春郎給我的皮靴很輕盈，跑得很快，沒消幾秒已趕到宮女身旁。
 
她伏在地上，面部抽搐，背部不斷滲血。
 


「點啊你？」我想抱她轉身，但看著那幾乎腰斬的背部，脊椎恐已斷開，不便移動。
 
「皇宮發生咩事？」我蹲下來，趁她未斷氣。
 
她眼珠，移過來，口唇微動。
 
「北衛禁軍金刀侍衛——金陰，勾結吐蕃，與吐蕃高手裡應外合，要謀朝篡位。」
 
「現時情況點？」我放耳傾聽，她的氣色很弱。
 
「皇上已經被殺，金陰為左免除後患……要斷絕皇室血脈，依加係皇宮大開殺戒。」
 
「不論貴妃、皇子、公主，都要統統殺絕。」
 
「咁你呢？點解連宮女都殺？」我問。


 
「人言可畏，佢地唔想叛變係未經修飾之下外傳，一定會……將我地……滅口。」
 
說完，她就氣絕了。
 
 
我站起來，看看左方，有妃嬪被人從宮殿中拖出來，一刀穿肚，而死。
 
右方，有數個宮女、太監被人追斬，一刀、兩刀、三刀，直至倒下。
 
附近慘叫聲不絕，血濺多處地方。
 
「痴線……」觸目驚心。
 
漸漸地，前方出現了大批腳步聲、馬蹄聲——


 
一大隊人馬，正逐步逼近，站在中間的人，正是始作俑者——金陰大哥。
 
他的身旁，盡是銀刀侍衛、銅刀侍衛、鐵刀侍衛，當中大多數沒有騎馬。
 
「哩個，好生面口！咩人黎？」有人問我，他的銅刀，滴著血。
 
 
「佢係頭先，春郎新招返黎既木刀侍衛。」金陰笑說。
 
「吓，個傻仔真係去左招人？仲要招木刀侍衛？用腦諗下都知冇哩個位啦。」銅刀人說。
 
「唔好意思，係我地夾埋玩鳩佢，先叫佢去招人。估唔到佢真係去。」他再笑說。
 
「唔緊要……」我牽強地扯起笑容，慢慢站起。


 
「所以其實係冇哩個位，你亦都唔係我地伙計。」他提著刀，慢慢走近，臉色轉為嚴肅。
 
所以連我也要殺掉嗎？
 
「各位大哥，咁我依加加入你地得唔得？」我裝傻地問，舉高雙手。
 
——額汗又再滑下。
 
如果這招能免死，不妨一用。
 
「我今日黎皇宮，就係一心諗住投身禁軍，向金陰大哥學習。」急中生智，我繼續說。
 
「啊唔係，係新既皇上先啱。」我擠出笑容，生硬地露齒微笑。
 


為求不死，多點笑容是必須的！
 
「好識講野喎，年輕人。」銅刀人，放下刀，望向金陰大哥，「大哥，你話點做好？」
 
「識時務者為俊傑，大家話，比唔比佢加入？」金陰廣問大眾。
 
「我想搵個人幫我洗腳好耐！」有人叫。
「洗腳？識搵一定係搵宮女。」
「頭先好似殺晒，睇下仲見唔見到啦，哈哈哈哈。」
 
大家都相當熱情地，想要一個打雜。
 
 
「由低做起？應該既，應該既。」我不停點頭，搓搓雙手。
 
不想死，不能死，是我現在的念頭。
 
「我最欣賞識睇時勢既人。好啦，咁暫時比你加入啦。」金陰放鬆警惕，允許我加入。
 
呼……我鬆一口氣。
 
「金陰大哥，小心養虎為患。」一位手持銀色長槍，穿白銀衣服的男人，從人群中走出來勸告。
 
「小人乜都唔識，點會係虎呢？」我笑笑，心想，你別給我搞事。
 
他的裝束，跟春郎一樣，似乎也是銀刀侍衛。
 
細看之下，也不是全部人都拿刀。有些人持劍，有些人用長槍。
 
「阿創，你擔心得太多喇，哩個係你既優點，亦都係缺點。」金陰提醒。
 
「係既……對唔住金陰大哥。」說完，他就回到後面。
 
呼，我再次鬆一口氣。
 
「附近都好似清理完。」銅刀人兩望四周，發號指令，「跟住落黎，依加去『純真宮』！」
 
什……麼？
 
「好耶，可以睇下傳說中貌美如花的統真公主，到底咩樣！」
 
「要殺？定係點？」
 
眾將士興高采烈地前進，站在最前的我，被推逼繼續走在最前。
 
「就咁殺，好似好浪費喎。」有人冒起色心，「不如我地咩一次先啦。」
 
回到純真宮的前院，小鳥悉數飛走。
 
「但純真公主唔係同吐蕃王有婚約咩？」我轉身試圖攔截。
 
「傻仔，局黎架咋。係為左等一班吐蕃高手，有藉口潛入皇宮既局。」銅刀人解說。
 
「吓……」我心急如焚。
 
「程強，你返左黎嗱？出面咩事咁嘈？」公主大聲詢問。
 
「噓——」有人出來轉身，豎立食指嘴前，示意大家安靜。
 
「程強，你係唔係度？」公主的聲音，在安靜的環境下，清晰地傳入眾人耳邊。
 
「邊個係程強？」有些人八卦，輕聲地問。
 
「新黎嗰個！係咪你？」金陰沉聲問，其他人都注視過來。
 
「係我。」我非常不願意地點頭。
 
接著，金陰拋一條銅色鑰匙給我，「咁由你去開門。」
 

「唧。」我雙手抱接，就被人一腳踹了上前，鑰匙差點掉到地上。
 
「快啲去！」那人用氣聲催促。
 
我望一望，後面的人都臉如豺狼，淫心、獸心、殺心暴露無遺。
 
「程強，你係咪……係出面？」公主試探地問，走到門邊。
 
公主、藍藍的聲音很悅耳。
 
我不想開門，我不想開門，我不想開門……
 
但拒絕的話，得罪後面那些人，我肯定會死。
 
「係。」我含淚回答，走上石階，到達門前。
 
「出面咩事？好似黎左好多人咁既？」公主無知地問。
 
「公主。」我突然說，咬緊牙齒，牙關不停抖震。同時，左手抖震地，摸上橫置的銅鎖。
 
「咩事？」公主仍然無知。
 
救我……我不想開門。
但我可以怎樣做？
 
「快啲開！快啲開！」後面的禽獸一直催促，隨時準備衝過來，拖走公主。
 
真心，我寧願被人斬一刀——
總好過心如刀割。
 
「我依加開門比你，放你出去。」我流淚說，右手不情願地拿起鑰匙，瞄準匙孔。
 
「真既？你終於放我走嗱？」公主喜悅地說。