米米蓮妖怪作品 -《再遇見到你》(長篇) (暫停刊): 第六十三集 ~ 龜︰我又見返山靈妖婆喇。
第六十三集 ~ 龜︰我又見返山靈妖婆喇。
上一次我俾傻咗嘅「低域」脅持住…
結果除咗自慧大師之外，仲有兩個男人嚟咗嘗試救我…
佢哋係歐陽巨同埋…
我嘅「神的禮物」，我嘅「英美男人」，陳鳳初。
只可惜歐陽巨殺咗「低域」之後，鳳初佢就只係單單講咗一句︰
「無事就好喇。」
佢竟然想就咁就走喎，真係激死人啊，唔通…
我真係咁唔值得佢喺佢記憶裡面留少少空間俾我咩？
不過我曾經講過，我唔會再俾自己後悔…
「咪走住！」
…
「我，龜匙，陸瑞基，要同你，陳鳳初打賭，只要我喺當日打敗你，你呢一世都只可以愛慕我，保護我，直到永遠。」
佢笑咗一吓，及咗吓頭，再同我講︰
「如果你打真係敗咗我，咁仲使乜我保護你啊，不過點都好，我接受你嘅挑戰。」
之後佢就好有型咁，好似武俠，又好似隻飛鳥咁，另轉身就飛咗去…
但係點都好，佢總算係應承咗我。
「喂！」
「吓！？」
「陸小姐，估唔到你咁主動噃，頭先條友普通貨色啫，有乜咁值得你咁對佢啊？」
問嘢嘅係自慧大師。
「你出家人嚟嫁喎，情愛嘅嘢，我唔知點同你講。」我講。
「我…」
「你死開D啦。」西施嬸嬸推開咗大師，再同我講︰
「阿妹，你無事丫嘛…而家方少爺死咗，我哋都唔好意思再住喺方家喇。」
我及咗吓回應嬸嬸，再走到方夫人旁邊同佢講︰
「唔好意思啊。」
之後我就同嬸嬸同自慧大師離開。
「陸小姐，你會去武林大會呀？」自慧大師問我。
「係，我要贏…嗰個男人。」
「阿妹，頭先嗰個男人其實係咩人啊？」嬸嬸問。
「一個…我喜歡嘅男人囉。」
「有後生仔唔鍾意，鍾意個佬都有嘅。不過我都幾歡喜佢，個男人有D英氣。」
之後我哋就同大師道別，而且我亦婉拒咗嬸嬸嘅要請，冇去佢度訓…
我反而返咗去我同鳳初相識嘅舊屋度…
…
我一個人返咗去，而家仲係夜深，四周圍都好靜，難免有種…
我都唔識形容嘅孤獨感覺…
我行到返去屋企，見到一齊依舊，摸摸床被…
諗起當日，鳳初點樣抱我，點樣錫我，點樣…
唉 ~ 過去就由得佢過去，而家我要把握現在…
努力將來，我要為我幸福而奮鬥…
我傻傻呆呆咁窗邊望向屋外嘅天邊…
天上面嘅星星就好似陪伴住我咁…
「咦，你終於返嚟喇？」聲音喺門外傳嚟。
係一把妖怪嘅聲音。
可能係呢段時間我都習慣咗見D妖怪啦，所以我都唔係太驚…
只係當好似有人同我講嘢咁，我另返轉頭一望，原來佢係…
「山靈妖婆？」
「哈哈，你仲記得我就好喇。」
「哼，我已經唔係以前嘅我，我殺過農夫妖王，你最好唔好惹我。」
「咁叻叻啊？」
「哼，你想點？」
「我諗你可能誤會咗我，我唔會傷害你，其實…我係…eee…」
「講啦，做咩唔講啊？」
「我係隻妖怪。」
「廢話，我當我睇唔出咩？」
「我意思係…我…食咗你父母。」
「咩話？咁你即係想撩我對付你啫。」
「唔係啊，唔係啊，我意思係…我…eee…好似好難解釋添，我係冇錯，食咗你父母，但係！你唔好緊張住！佢哋喺我身體裡面佔有咗我，所以而家我都係跟佢哋辦事，我幫佢哋保護你已經好多年喇。」
「咩話！？」
「你記唔記得…」
之後佢講咗好多嘢，的而且確，係我成長嘅片段，佢就好似一直陪伴住我長大咁。
「呢個山頭其實好多樹妖山精狼怪，都係我幫你解決嘅。」
「咁…我可唔可能見返…我爸爸媽媽？」
我開始信佢，亦都有少少想見返我父母。
「原本個樣就冇可能喇，但係希望你記得呢把聲啦，咳咳，我係你媽媽啊。」
佢講到「我係你媽媽」五個字，我當場喊咗出嚟，因為真係我記憶中媽媽嘅聲音…
係一模一樣，就嗰種扮都冇辦法扮嘅嗰種感覺，所以…
我一聽到立即衝前去…
「媽！」擁抱佢。
「乖女，乖女。」
「點解…點解…你早D出嚟噃…」
「唔係我唔想出嚟，係一來朝早出唔到嚟，因為呢隻食靈魂嘅山靈妖婆本身係怕陽光，二來其實我早期每晚都有偷偷地嚟見你，不過好多次你都訓到霖霖豬，而且，你婆婆話驚我而家個妖怪樣嚇親你，所以叫我唔好直接見你，只要保護好周圍環境就好。」
「媽，女兒呢幾年真係好苦，好辛苦啊。」
「我明白，一個咁可愛嘅女孩子竟然要受成二十年苦，不過一齊唔開心都應該要完結喇，你可以去迎接未來快樂嘅生活，唔使再留喺度，再加上你媽媽我而家呢個身體已經學識唔怕陽光喇。」
「吓！？真架？咁…你咁可以同我周圍去囉。」
佢及頭回應我，雖然佢個樣係山靈妖婆，但係我都已經當咗佢係媽媽。
「係呢，爸爸呢？」
「個衰佬訓咗喇，不過你休息吓，我哋再諗諗聽日去邊丫。」
之後，我就好安心咁喺佢懷中訓咗，種感覺係怪怪地，但係真係好溫暖。
…
第二朝起身，我發現自己訓咗喺床度…
「咦，媽…媽！你去咗邊啊？」
「冇，諗住你未醒，去買個早餐俾你啫。」
「我…我想今日去我師父度，盡快學好能力，打敗我喜歡嘅人。」
「打敗你喜歡嘅人！？」
「陳鳳初啊！你識嫁，當日帶我入惡鬼洞嘅嗰個男人啊！」
「吓！？咁…你做乜要打敗佢啊？」
「你有D嘢可能唔知喇，你有冇聽過七彩武林大會丫？總知我贏咗佢，佢就會屬於我啦，仲有啊，一陣講多D我嘅經歷俾你知丫，我近排識咗好多勁人。」
…
之後，我就同媽媽出發，去白波姐姐屋企。
(咇噃咇噃咇噃咇噃，有妖怪，有妖怪，注意，注意。)
原來姐姐屋企有D咁嘅防護系統…
之後大閘門打開咗…
「咦，阿妹，你咁早嘅？」
白波姐姐竟然就咁著住一套性感內衣行出嚟，旁邊係佢幾個僕人…
其實連僕人都著得好性感…
我望返去媽媽嗰邊，點知…
「媽，你做乜流鼻血啊？」
「哎呀，哎呀，衰佬，睇女丫嗱？好多年冇睇過啦…」
我睇住佢自己打自己，睇嚟係山靈妖婆體內嘅爸爸媽媽惡鬥緊…
「呢隻妖怪…係你朋友啊？」
「佢係一隻食靈妖，不過佢食咗我父母，而家反而俾我父母控制咗，我都係啱啱先認返佢。」
「哦，咁入嚟啦。」
白婆姐姐帶咗我入屋…
我哋行過佢屋企出面個花園，我而家先知，原來佢有好多好後生嘅女僕人…
「佢哋都係你僕人嚟架？」
「唔算係，其實佢哋係我門生，我徒弟。」
「乜原來你有咁多徒弟架？」
「咩啊？呷醋呀？你放心，佢哋都係普通人，能力同資質都好普通，我只係見佢哋都係孤兒先帶佢哋返嚟養啫。」
「呢D嘢又有咩好呷醋噃。」
「咁又係，呷都呷陳鳳初醋先啦可。」
「姐姐啊。」
…
之後我哋坐咗係屋內大廳…
爸爸就繼續流鼻血，媽媽就繼續打佢…
「妹，你咁早嚟搵我，係咪發生咗D咩事啊？」
「我…我同鳳初佢打賭，只要贏咗佢，我就可以擁有佢，而且…佢應承。」
「吓！？佢應承！？咁…咁你唔打都得啦。」
「咩意思啊？」
「傻妹，佢應承得你，即係你已經係佢心目中有一定位置喇。」
「吓！？真嫁咩？」
「梗係啦，囡，你真係愛情初哥得咁緊要呀？」媽媽都插口。
「咁…我點樣可以打贏佢啊？」我仲係覺得打贏好D。
「你而家靈力我估係陳鳳初嘅十分之一左右，你只係識「美女四式」，肯定唔夠，不過我估佢真係對上你嘅話，肯定會讓你，所以…你應該到到佢兩三成功力就夠，咁啦，今日就開始練我嘅「淫娃蕩婦七十二式」啦。」
「吓！？練完會唔會變淫婦嫁？」
「放心，男人最鍾意女人淫嫁喇。」
(待續)
下集預告︰
(暫冇)