<<現代驅魔文獻>>: 第五十四章：佔中勢在去何從　藏市豪傑多少人

第五十四章：佔中勢在去何從　藏市豪傑多少人　

（風后篇）二零一四年七月二十日，今天是我們侯氏圖騰成立三周年紀念日，聚義至今已有廿三位轉世驅魔師和千餘名正氣師。

我們二十三位轉世驅魔師在和氏兄弟的酒樓包場慶祝，大設筵席，在開席前先生說：
「眾位兄弟，我等圖騰日益漸強，實在可喜可賀！但現在我們還沒給大家一個崗位，就讓軍師跟眾兄弟安排各個崗位。」

我站起來跟所有人說：
「經過先生跟我商議過後，為了圖騰的發展和各位的前程，我等圖騰的基金會將會根據各位的能力撥款投資開拓各類型生意，請眾兄弟聽令。





安排如下：
飛鵝山看守人－應龍
大學看守人－大鴻、恆計蒙
西貢看守人（維持故業『酒樓』）－和仲、和叔
彩虹看守人（維持故業『街市菜檔』）－熊萊言、姜演雉
黃大仙新開酒吧－沮頌、祝融、常器詬
慈雲山新開雞煲餐廳－朱虎、洪羆、周桐君、俞跗、巫彭
九龍城新開酒吧－共工、相柳
匯錢管理－康回
車手－張溪仲




子契、祁丹朱隨時聽候圖騰指令。
各地區看守人要互相照應，聽令差遣。」

所有人站起抱拳向著先生和我說：
「得令！」

大家也開始宴席，乾杯痛飲，「大杯酒大塊肉」！大鴻前來跟先生和我說：
「先生、軍師，大哥今日黎唔到，已經過左柴灣喇。」

我問道：




「哦？大哥有朋友係柴灣？」

「孫大公子打電話俾大哥，介紹左佢去柴灣搵佢既朋友。佢地既共氏圖騰為首既係天眼尉‧共四岳，手下有回春鶴‧管大翳同歸土龍‧王亥，係柴灣集結左三四十人，而且聽講佢地有聖物既消息，所以大哥見係大學無咩新進展，於是就去左柴灣。」

先生回答說：
「難怪你話今日大哥黎唔到，今晚我地都要盡慶。」

高興後的第二天下午，我跟先生在花園說：
「先生，今朝早佔中三子既朱牧師打俾我，想約你見面。」

「軍師，你認為朱牧師搵我有咩事呢？」

「聽聞佢攏絡緊香港各個獨立圖騰支持佢地既佔中行動。」

「姑且一見無妨，我正想勸勸佢希望阻止佔中行動發生。」





「最近我等攻劫蔡家大宅，又聚義左咁多驅魔師，外面風聲都非常緊張，先生不宜隨便出門。不如就由我代你出席，再搵丹朱兄弟同行就可以喇。」

「嗯，相信軍師都知道我既心思，就請軍師代勞。」

最後我代先生應約，而我安排了丹朱在遠方一直監視我們。

黃昏時份，我們到了西貢龍船茶餐廳露天座位會面。經過一輪呵寒問暖後，朱牧師也直接入了正題。
「風軍師，佔中如箭在弦，戴教授同陳教授已經聯絡緊各方勢力支持，我就負責宗教等組織，希望你地侯氏圖騰都可以支持我地。」

「朱牧師，得民主、失民生，真係香港而家應該有既狀況嗎？國家猶如我等母親，佢既決策只會希望我等更上一層樓。要國泰民安，難免需要一定程度既維穩。究竟真普選重要，定安定繁榮緊要？」

「風軍師所言差意，香港而家真係安定繁榮嗎？就係因為大陸既自由行政策，先令物價上升咁多，年青人又上唔到樓。本土既政策呢？大財團攏斷，民不聊生，普通市民只係想做小生意都好快被大財團扼殺。咁樣既香港政府，風軍師唔通覺得都要『袋住先』？」

朱牧師好像胸有成竹地繼續說：




「而且據我所知，香港既獨立圖騰全部都因為係大陸或者香港受到羸氏打壓。侯先生聽講都係大陸受排擠先番黎香港，其實你地圖騰都深受其害，今次係表達意見既好機會。」

「政治立場我諗大家就不必爭議，但蚩尤既事朱牧師相信都略有所聞。」

「你係指蚩尤復活呢個傳說？我相信神會有佢既旨意，佢唔會俾呢件事發生。但如果真係要發生既話，神都有佢既方法。」

「朱牧師，今次我應約其實係為左勸你地千萬唔好佔中。其實蚩尤復活需要五件聖物，其中一件就係人間怨氣。我等得到可靠線報，就係如果一旦佔中成功，七十二惡魔就會集齊人間怨氣呢一件。」

「哈哈哈哈，風軍師若然唔想支持我地，都唔需要咁樣恐嚇我地。其實香港既獨立圖騰，好多都答應支持我地。如果能夠加埋你地侯氏既實力，我地就更加如虎添翼喇。但無既話，我地同樣有足夠既實力發起佔中。」

看來朱牧師也是勸不聽的，若然蚩尤復活，難道上帝不怕嗎？祂何嘗不是創造了一個永遠也消滅不到的敵人撒旦嗎？
「朱牧師，中國管理緊既係十三億人口既國家，過多既民主，就好容易失控，所以政府係唔會妥協，你地都唔會成功爭取到任何野。先生講過，為救蒼生，我等一定會盡最大既力量阻止佔中發生。」

我們最後只有握手道別，丹朱跟我繼續坐下正想研究下一步時。聽到一個婦人在街上邊走邊大吵大鬧，嚷道：
「救命啊！救命啊！我個女俾鬼上身啊！」





我站起截住正在亂跑的女人，跟她說：
「太太，請問有無野可以幫到你？」

婦人緊張地抓住我雙臂說：
「小姐！我個女俾鬼上身啊！」

「你先冷靜啲，我等係驅魔師，不如你而家帶我等上你屋企。」

婦人帶我們去到西貢碼頭另一邊的村屋區，她是跟女兒兩個住在一間獨立的村屋，位置比較偏僻，最近的鄰居也要走十分鐘。

我們到達婦人的家，守在屋外的狗隻們也不斷向屋內吠叫得很。丹朱和我走到屋內，看見一個二十歲左右披頭散髮的少女口吐白沫、低下頭站在我們面前，之後又坐到沙發上，丹朱跟我說：
「軍師，你認為會唔會係惡魔？」

「丹朱兄弟，可能你太耐無驅魔，忘記左若然受害者口吐白沫，就最多只係鬼上身。」





我轉向婦人問她：
「請問太太，你女兒遇到呢件事前，家中有無異樣？例如你女兒去過一啲古怪既地方或者得到咩野古怪既物件？」

婦人想了又想，回答說：
「啊！有啊，最近我係屋企附近垃圾站見到有塊古董鏡好靚，就諗住執番黎擺下，諗住遲下睇下賣出去有幾錢！」

丹朱回答說：
「快啲帶我地去望下塊鏡！」

我們走到二樓的走廊望著古董鏡，我經已感覺到一股怨氣，我跟婦人說：
「此鏡早有怨靈依附，你將鏡帶番屋企，等同請左佢住係到。自然佢就想搵個肉體上身繼續依附。」

婦人大驚，跪在地上痛哭說：
「大師大師！咁點算啊！而家可以點做啊！我唔可以無左個女架！我多多錢都俾你地啊，求下你地幫下我啊。。。」

丹朱扶起婦人，說：
「我地驅魔師捉邪治鬼係天職，唔會收錢既，放心。而家我地就幫你個女趕番隻野出黎先！」

我問丹朱道：
「丹朱兄弟打算一棒將隻怨靈打出黎？」

「係啊，如果唔係有咩方法趕到佢出黎。」

「岩岩我見個女仔十分瘦弱，可能你一棒除左趕番隻怨靈出黎，仲有機會打死埋個女仔。依我之見，應該先將佢綁實，再趕佢出黎會更容易。」

於是丹朱跟婦人一起抓實她的女兒，她高聲放喊著，也變成男聲說：
「唔好捉住我！你地行開！」

我說：
「塵歸塵，土歸土，請你離開啦。若然我等一旦使用武力，你將永不超生，不可再投胎為人。」

「走！呢個女仔而家已經屬於我架喇！哈！」

我跟丹朱說：
「佢怨氣太深，丹朱兄弟你就將佢趕出黎後，殺左佢。」

我跟婦人捉緊她的女兒兩邊手臂站起，丹朱用棒打向她的腹部，即時吐得更多白沫和血。而我們也看見怨靈的差點被我們打了出來，但此時怨靈再次回到她的肉體中，說：
「驅魔師！想將我打出黎，我係塊鏡已經八十年，你地區區一棒想趕走我！哈哈哈哈哈！」

只見她的女兒好像更痛苦，怨靈想再進一步控制她整個身體。丹朱看到後，正打算再用力一棒打下去時，突然她的身體起了很大變化。。。

她雙眼的眼珠化成綠色，把我們也推開，自己滾在地上不停抽搐，最後靜下大字型睡在地上。婦人被嚇得不能發半句聲，丹朱和我也只是默默地站在一旁，觀察著究竟發生什麼事，因為連我們也從來沒有見過這等事。

一分鐘左右，怨靈竟然從她的身體被迫了出來，丹朱也沒有錯過時機，趁機一棒打到怨靈身上，怨靈被打在地上，怨靈十分虛弱地說：
「啊。。。我。。。呢個女仔，究竟係咩黎。。。點解我。。。我會俾佢，俾佢趕。。。趕到出黎。。。」

什麼？原來是婦人的女兒自己將怨靈趕出來？為什麼她有這樣的能力？

丹朱把怨靈收了進銅錢後，我上前蹲在婦人的女兒身邊，仔細檢查她的雙眼，但現在的她卻正常得很，沒有了綠色的眼睛。

「咳，咳。。。」她終於都醒了，我扶她坐在沙發上。婦人也定下神來，我輕聲的跟女生說：
「你清楚剛才發生既事嗎？」

「唔太清楚。。。」

「咁好啦，聽晚八點我約你係金記海鮮酒家，到時再講。我等都差唔多時間要番去喇。」

聽到她的答應後，丹朱和我便回去了，並跟先生交待了今天的一切。

晚上我在睡房思考著，最近確實發生了太多事，我們聚義多時添了不少英雄、大哥來了香港卻跟我們遙不可及、伏羲圖騰不斷的狙擊、七十二惡魔實行的蚩尤復活大計勢在必行。

要聚天下豪傑，豈能沒有了大哥。如果他在我們陣營，先生的圖騰方能得成大業。各人現算開始安定，之後的事情還有好陣子要煩惱。

風后知書豈愛戰，侯郎文樂亦悠哉！只因不義魔祖去，致使群雄聚義來。

第二天晚上，我準時到了和氏兄弟的金記海鮮酒家開定房間等，先點好幾道菜，終於等到她來。

「小姐你好，我叫風后，係驅魔師。尋日就係我等救左你。」

「你好。。。我叫阿瑤。」

「阿瑤，你記得尋日有咩特別事發生係你身上嗎？」

「對唔住，我真係唔記得。我只係知道自己俾鬼上身，之後既事我就唔記得喇。」

「嗯。。。我等不如一邊食野一邊傾啊。呢到既海鮮唔錯，請起筷。」

我們一邊晚飯，一邊繼續聊天。

「阿瑤，怒我直言，請問你有無特異功能？」

「風小姐，你可以俾隻手我嗎？」

我遞出右手，她也用右手握著我的手，好像在看什麼似的。過了一分鐘左右，她跟我說：
「你係上古時期既人轉世，今世係一個轉世驅魔師，人稱智文星。你見到我尋日對眼變左綠色？係真架？點解會咁恐怖？你可唔可以話我知啊。。。」

我如獲至寶地說：
「阿瑤小姐，你有觸碰人就知道對方思考既能力？」

「係，甚至我知道你既記憶同你既前生。」

我既興奮又緊張地說：
「綠色既力量，係來自『木』既力量，擁有重生同洞悉生命既力量。所以難怪即使怨靈上你身咁耐，可能誘發到真正身份既你，用自身既力量將隻怨靈趕出黎。你可唔可以俾我望望你既手臂？」

她脫了外套，遞出右手手臂，我看到後喜悅萬分。她立即抓住我的右手，望著我說：
「我同你一樣都係轉世驅魔師？係啊！我係姓姜架！」

雖然她已經知道我在想什麼，但我還是忍不住口說：
「你好大機會就係地海棠‧姜瑤姬。瑤姬，今晚我一定要帶你去見先生。」

此時瑤姬還沒有放手，所以她能清楚我的思維。
「侯氏圖騰？倉頡？造字既倉頡？」

「瑤姬莫急，一陣我帶你去見先生時，佢有一面廣生鏡，你睇到後就可以知道自己既前世，先生同我亦會慢慢解釋俾你聽圖騰係點既一回事。」

但她也好像心急如焚，於是我帶她跟和氏兄弟打過招呼後，連飯也不吃便趕回跟先生見面了。