<<現代驅魔文獻>>: 第二十七章：牛尾湯驚現聯合 地藏獸相認大鴻
第二十七章：牛尾湯驚現聯合 地藏獸相認大鴻
（昆吾篇）「救命啊！有鬼啊！」
一個男生在聯合書院的湯宿衝到樓下大吵大鬧。
這是晚上十二點半，因為后稷重病在家休息，所以只有常儀和我跟十幾個學生在湯宿外的草地圍觀著。
常儀閉上雙眼，頭仰天，感受著月亮的力量，說：
「有股怨氣係湯宿，應該唔係一般既靈體。」
在常儀說話時，我又習慣地偷望著她那雙穿了熱褲的白滑長腿，希望她不會發現而覺得我是那種經常Ｊ她的毒男一份子。我故作思考地回答說：
「係，係，係，應該係一隻好勁既怨靈。」
常儀經過上次志文樓一役後，很努力跟后稷學習驅魔的歷史和知識，更不時練習控制從月亮給予她的力量。而我呢？反而跟開始時無異。
后稷告訴我在遠古時因為是負責鑄造陶瓷的武將，所以我未能打造遠古時自己的「昆吾劍」，便不能真正成為以前的地藏獸‧昆吾。
大家圍觀後便散開了，沒有人去關心那個男生。我走過去跟他說：
「你好啊，我地係驅魔師（我把手攤向常儀），係黎幫你架。」
「岩岩好恐怖啊。。。我。。。都唔識講。。。」
常儀說：
「我地不如坐低先慢慢傾啊。」
於是我們坐在石椅上繼續探討，我先說：
「你好，係驅魔界我叫昆吾，呢位叫常儀。你呢？」
「我姓陳，叫阿源。」
看他穿著鮮粉紅色的Polo和白色短褲，有個宅男的代表名字，卻是那麼陽光的嗎？雖然「阿源」已經脫毒，但始終還是深入民心啊！
離題了，常儀說：
「阿源，首先同你講先，我地係唔會收錢既，替天行道係我地既天職。第二，你一定要原原整整講曬成件事俾我地知先可以幫到你。」
男人始終是男人，我留意這個阿源也不自覺偷望常儀的雙腿，腦袋裡一定滿是黃色思想！萬一在今次的驅魔行動中被這個阿源追了我的女神，就真的氣憤了！
原來當一個轉世驅魔師，要放下私念去幫人是這麼難！我也說：
「係啊，咁你講俾我地聽發生左咩事啦。」
「哦，今晚我本來諗住自己係張床到搞緊莊既文件，點知搞搞下我想透下氣，行到去窗邊時點知就。。。」
阿源喘了口氣，繼續說：
「點知我就見到一個煲從樓上吊落黎，我就覺得好好奇啦。打開隻窗，拉個煲埋黎睇果時，一望煲湯裡面竟然有個女人頭望上黎對住我笑！而家諗番都好驚，女人個樣笑得好陰深好恐怖，就係果種令你覺得好寒！」
我回答說:
「牛尾湯事件？係好出名既鬼故，傳聞話接到牛尾湯既男人，三日內一定死於非命，但好似無人見到牛尾湯好耐喇。」
「我都以為係傳聞咋，而家應該點做啊？我係咪剩番三日咋？」
常儀說：
「等陣先，聽講個女仔係為情自殺，咁佢搵得既男仔應該都會係啲負心男多，咁你係咪做左啲。。。」
中啊！幸好女神有分析力，阿源已經輸了第一印象喇！無須擔心！我要繼續當個專業的驅魔師，向阿源追問：
「你係咪做左啲咩對唔住女仔既野？或者類似既事？」
「我。。。我。。。無啊。」
常儀為求真相，也追問著：
「阿源你咁樣我地幫唔到你架！你係咪過咩女仔啊？」
嘩！猜不到常儀會一語中的，看來女人也是很討厭騙女人的男人。
阿源看來再無後路，他終於說：
「唉，睇黎唔講真係連自己條命仔都保唔住。。。係咁既，我早排一腳踏兩船黎既。。。最後兩邊都知道左，岩岩分曬手。。。」
常儀少許生氣地說：
「哼，又一個賤man！唔講喇，你咁樣做對唔對得住果兩個女仔啊！」
我拉一拉常儀的手臂說：
「常儀，我地言歸正傳啊。咁我地可唔可以上你間房望下。」
阿源說：
「好啊，咁你地跟我上黎啊。」
我們到了阿源的房間，我嘗試從窗望出去，當然什麼也看不見。我只是嘗試一下，常儀也過來看看。
糟了！當她壓過來時，可能她太專心驅魔的事情，忘記自己32C的乳房壓到我的左臂。就連自己的手背也碰到了她的大腿，真的很嫩滑！我承認，引用網絡一句說話「叔叔不行了」！
君子的我，當然絕不退縮，好好享受這一刻！唉，她很快走開了，可惜！
我向阿源問：
「住樓上果個你識唔識架？」
「識，佢係我啲同學黎既。」
「咁我地方唔方便上去佢間房睇下？」
「呢層，我whatsapp下佢先，應該都得既。」
當我們到達上層房間隨意觀望一會後，也不覺怎樣。於是我們跟阿源約了第二天下午再見。
道別後，常儀跟我在我們的宿舍附近坐下研究案情。
「昆吾，你頭先做咩阻住我鬧個衰人！」
「常儀啊，我地係驅魔師黎架唔好咁衝動。你要知我地救人為大前題！」
「咁都係姐，但而家點做好啊？」
「最衰后稷又唔係到，我諗而家應該確保佢既安全先。」
「但問題係我地都唔知應該點搵隻女鬼出黎。」
「我記得之前后稷教我用電話個指南針都可以check有無鬼。」
「咁我地聽日先再同佢傾詳情啦。」
我面紅耳赤地說：
「咁。。。不如我送你番上去啊。」
常儀平常地說：
「唔洗啦，我夠鐘打俾我男友喇，聽日見啦。」
當場的心情，就如９８年世界杯碧咸被紅牌出場時的心情時。。。
「Out！紅牌出場！」
一句「唔洗啦！」其實已對宅男的我是一個重創！就連當兵的機會也沒有，看來我已戀無可戀。。。
我也裝作平常心地回答說：
「哦，好啦咁，８８。」
「你都小心啲喇，８８啦。」
女神叫我小心啊，也算是安慰獎吧！？這樣想可能會開心一點。
第二天早上八點半，正當我們想找阿源時，無論電話還是whatsapp，也找不到他。我們當然很著急，詢問他的室友只知起床時已不見了阿源，不知道阿源是否半夜已外出了。
常儀和我也是第一次獨立處理靈異個案便好似有點失措，我說：
「睇黎我地不如周圍搵下阿源先，即使係俾鬼搞都應該係學校裡面。」
常儀點頭回應，我繼續說：
「咁好啊，你去新亞果邊搵，我係聯合呢邊搵啊。搵到既立即打俾對方啦！常儀一定要記住，有咩要第一時間搵我，要小心啲！」
「知喇，昆吾你都要小心啲啊！」
於是我在聯合書院四周找找，一直走到聯合書院的水塔，這水塔又名「淑女塔」。我隱約覺得這座塔總是有不少秘密，因為它的傳聞確實不少。停用後又不拆卸，有前輩說它和新亞書院那邊的水塔屬一陰一陽，鎮壓中文大學的邪氣。
但現在不要多想這事，先找到阿源為大前題。找遍了不少聯合的地方，也沒有他的蹤影。先跟常儀聯繫看看她那邊情況如何。
我們返回湯宿的草地，在飯堂一邊吃早餐一邊談論事情。
「昆吾我地搵左半粒鐘都唔見佢，你話佢會唔會真係出左事？」
「但無理由朝早都咁猛架，可以日光日白搞到阿源？」
「可能係半夜呢。」
「咁就真係唔知喇，我差唔多上堂喇，晏啲再傾啦。」
下課後，已經是三點了。我們仍然找不到任何線索，但戴教授竟然約了我去下午茶，不知他想跟我說什麼。
我們在湯宿前的飯堂吃下午茶，我說：
「戴教授，你搵我有事？」
「Gary，你係正氣師定驅魔師？」
「教授你指緊。。。」
「尋晚你係湯宿處理件事我知道曬。」
我感覺很詫異，他為什麼會知道這些事情。
「教授，你係咩人？」
「我都係驅魔師，我係大鴻。」
「原來戴教授就係侯氏圖騰個鬼容區？」
「哈，估唔到你對驅魔界都好熟，睇黎你都唔係新手上路喇。咁你係邊個圖騰啊？」
「前輩你好，我係地藏獸．昆吾，我地仲有常雪嫣，佢都係轉世驅魔師，人稱月娘子．常儀。。。」
我還想說下去時，教授已經搶著說：
「你就係后稷個圖騰既生力軍？哈哈！真係估唔到你呢個毒男都係轉世驅魔師。」
「教授唔好笑我啦，我都係識左后稷先知架咋。係呢，咁我想問下你知唔知被鬼搞果個男仔去左邊？」
「你可以放心，阿源而家係我地到，好安全。」
「咁就好喇，我同常儀仲好擔心究竟阿源去左邊。」
「唔洗擔心，跟住既野就交俾我地處理啦。你地而家係周氏圖騰點啊？」
「都幾好，后稷都好照顧我地。你地侯氏圖騰好似係倉頡創立？」
「係啊，大家都叫佢做先生，有機會介紹你識。」
「好啊，咁而家阿源件事我地有無野幫到手？」
「因為我始終時間唔多，最近又要籌備佔中既事情，所以麻煩你地幫我留意住湯宿既情況，有咩事通知我，等我地一齊處理。」
「知道，如果教授有咩需要幫手，我都可以幫手架。」
跟教授下午茶時光後，只想到今年總是多事。
一眨眼已五月了，考完試我也升Year 2，好像有很多事發生，認識了后稷，唯銘死了，香港電視發不到牌，籌備佔中，但又好像不太關我事。
我究竟在這裡幹什麼？
真的好像后稷所說要為了天下人去戰爭？
今天的社會失去了民主，失去了發聲的自由。
因為學歷沒有分層，最低工資出現，遙距大學泛濫，即使我們大學畢業也只是能賺一萬多一個月，根本在香港連買一個「廁所」也買不起，莫講買樓結婚給家用。
如今的香港，甚至國家也是貪污成風，大部人過的生活也只是壓力生活。
其實我經常想，如果蚩尤真的復活，戰勝了我們驅魔界，統治了人間，會否整個世界有所不同？
可能甚至世界末日才真的是對世界最好的解決方法，或者很多人說我消極，但我只想說這可能是真相。