<<現代驅魔文獻>>: 第二十三章：沮頌良緣配祝融　倉頡游說聚英雄

第二十三章：沮頌良緣配祝融　倉頡游說聚英雄


（倉頡篇）晚上十一點，在中文大學的荷花亭裡，我跟風后說：

「沮頌同祝融終於都可以共諧連理，籌備已久既婚禮仲有三日就係喇。」


風后說：





「佢地的確天生一對，郎才女貌。」


「哈哈，估唔到我等圖騰都可以撮合有情人。」


「但始終今次婚事意義重大，今次若然能夠游說黃大仙、慈雲山、彩虹村三地圖騰入伙，就係如虎添翼。黃大仙既山川獸‧朱虎、河川獸‧洪羆都係一介武夫，如果唔係有另外兩個圖騰既威名，佢早就被宋廣進趕入胡同。」


「慈雲山既鐵石漢‧姜演雉同彩虹村既醜戾鬼‧熊萊言都唔係凡凡之輩，今次婚宴仲請左邊一路人馬？」






「除左附近既圖騰，尚有長沙灣既周后稷周氏圖騰、荃灣既向貳負向氏圖騰、尖沙咀既姚太山姚氏圖騰。」


「今次希望可以拉攏其他圖騰共襄義舉，但係酒席圍數夠嗎？」


「呢到相信已有五十圍，加上我等圖騰兄弟，剛好八十圍。」






「咁就好喇，總算不失大體。」


黃金海岸酒店的場地，確是婚禮的好地方。我們順應沮頌和祝融的意思，舉辦西式的婚禮。所有來賓也是以西裝服飾來臨，場面甚為盛大。


人間愛情真是奇妙，一張簽名的白紙對一雙鴛鴦來說，意義卻非比尋常。

可能即使是轉世驅魔師，也希望得到華麗的西方婚禮，明知沒有神的存在，還是由神父主持婚禮。


經過一輪婚禮問題和儀式後，神父用普通話正式宣讀：

「現在你們兩個人在上帝和眾人面前已經締結這重要的盟約，你們當時常照約彼此相待，方能增加你們的福份，並使人得益處。現在我奉聖父、聖子、聖靈的名為你們二人證婚成為夫婦、上帝所配合的，人不可分開。





願耶和華賜福保護你們。

願耶和華的臉光照你們。

願耶和華歡喜的臉看顧你們，賜你們平安。阿們。」


沮頌隨即抱緊祝融，在大家面前接吻了。


在場的所有來賓也以掌聲祝賀，沮頌祝融夫婦二人與大鴻、和仲、和叔跟各圍賓客敬酒，氣氛高興熱鬧。


沮頌大喜日子，我也特意親手揮筆，送上詩詞祝賀：






「映翠藍天好風光，金流圓月夜樓閣。

　自古英雄美人配，今宵嫩藕一夜歌。」


大家暢飲之時，風后為我介紹黃大仙、慈雲山和彩虹村三地圖騰的頭領。朱虎和洪羆也是健碩之人，他們西裝的胸肌和手臂位也是「迫爆」的，顯得十分威武。洪羆拍著我的膊說：

「先生個大名，係驅魔界如雷貫耳！只係我地一直無機會拜會！」


朱虎接著說：

「係啊，我地今日一定要同大哥飲多幾杯！」






我微笑回答說：

「今日係我沮頌兄弟既大喜日子，一定要同諸位不醉無歸！」


我們四個一邊把酒，一邊談論聚義之事。在風后和我的游說下，朱虎和洪羈也答應了。朱虎說：

「我地兩兄弟無咩本事，以後就跟實先生，有咩就隨時吩咐！」


風后留下與朱虎、洪羆繼續暢飲，我和應龍、大鴻跟周后稷的一圍打招呼。后稷首先說：

「多謝先生今次既邀請，但原來戴教授都係轉世驅魔師，學生失禮喇。」






大鴻笑說：

「唔緊要，我同樣唔知道鼎鼎大名既周后稷原來係Frank一樣啦，哈哈！」


雍父望著應龍說：

「未知呢位兄弟點稱呼？」


應龍回答說：

「俺姓應，單字一個龍。」


雍父驚訝地說：

「就係人稱急先鋒既平虜將軍，應龍將軍嗎！難怪立於百人之中，仍然氣勢過人！」


應龍抱拳說：

「俺現在先生麾下，已不是什麼將軍了。」


我說：

「后稷兄弟，聽聞你地圖騰最近有地藏獸．昆吾同月娘子．常儀加盟，今日未見佢地出席？」


后稷回答說：

「佢地今日都有事要處理，所以黎唔到祝賀沮頌兄弟，真係抱歉。」


我回答說：

「唔緊要，今日有后稷兄弟同雍父兄弟黎，已經蓬畢生輝。」


大鴻說:

「我地收到消息，香港最近因為出現太多獨立圖騰，所以羸少昊開始派宋廣進對付義軍。后稷兄弟，你地有意結盟一齊抗敵嗎？？」


后稷說：

「我地圖騰一直以接濟有困難既驅魔師為宗旨，應該未會牽連。」


我說：

「如果后稷兄弟有需要幫忙，可以隨時聯絡軍師。」


大鴻與他們又再舉杯暢飲，現在看來還不是好時機，再跟后稷討論只會自討沒趣。


姜演雉和熊萊言跟沮頌夫婦敬酒時，我留意到姚太山並無來臨，只派了代表前來，看來他並不容易游說。先試試姜演雉和熊萊言的反應。


這時，沮頌找我到花園單獨聊聊。

「今日多謝曬先生，無你我真係無今日。。。」


「沮頌，恭喜你就真，娶到個好老婆，以後要好好生性喇。」


「知道喇，我都恭喜先生聚義左朱虎同洪羆呢種好漢！但姜演雉同熊萊言又係咩人呢？」


「人稱鐵石漢既姜演雉仕外表同性格都顯得冰冷非常，使既係五鉤亮銀鎗。另外熊萊言，因為佢樣貌似狗，打鬥起上黎非常暴戾，所以人送外號醜戾鬼，兩位都係輔助炎黃軍既先鋒之一。佢地都係好漢，比起朱虎兩兄弟佢地係自己果區既名望就更甚。姚太山相信你就好熟啦。」


「披甲龍．姚太山好出名啦，我以前撈黑果陣已經聽過佢呢個大名啦，佢同我一樣都係新記，而且佢出黎行個花名都係叫太山。但佢係遠古時既野我就唔知喇。」


「遠古時候，姚太山曾經以寡勝多既戰績簡直數之不盡，最著名既一場涿鹿之戰其中一場戰事中，太山被敵軍重圍，當時佢放低兵器，只係披甲以赤手空拳抗敵，最終帶領部下衝出重圍。」


「原來遠古時既太山咁勁，難怪今世佢撈黑都有句『太山出打仔』啦。」


「我都有聽講尖沙咀唔少場都係歸佢做睇場，而且佢既殯儀生意又越做越大，人力財力都係我等之上。佢地有派代表出席，已經算係俾足面子。」


「係啊，頭先見到佢兩個代表。一個好斯文，一個好似比較粗魯，先生你識唔識係咩人？」


「沮頌，難道你唔認得其中一位係以前我等係北京見過既神機軍師，鐵算盤‧隸首，另一位我就未見過。一陣我等去打聲招呼睇睇吧。」


我們走到隸首的一圍，碰杯敬酒後，隸首說：

「先恭喜沮頌，有個祝融文武雙存既好老婆。太山哥今日有事黎唔到，真係唔好意思，今日我仲帶左一位兄弟黎，佢係太山哥既頭馬，方泰逢。每次出去做野，佢都唔成功唔返黎，所以人稱塞不歸。」


方泰逢向我握手說：

「先生你好，久仰大名！希望唔好見怪我地呢啲粗人！」


我笑說：

「泰逢兄弟見笑喇，有幸見到勇將同智者，係侯某既榮幸。」


此時，向貳負帶著醉意走過來，用力拍了一下方泰逢的肩上，說：

「今日係沮頌既大日子，先生請黎既都係驅魔界有名有望既轉世驅魔師圖騰，但唔見隻披甲龍既，咁快收左皮喇？」


向貳負是一個明眼一看便看得出的三十多歲黑社會老大款，他也是做殯儀生意為主，聽聞之前好像因生意的問題跟太山談不攏而拆夥，最後去到荃灣另起爐灶，難怪他對方泰逢的態度如此。


方泰逢勉強地笑說：

「太山哥今日有野要做姐。」


向貳負更得寸進尺說：

「超！我夠忙啦，（他輕輕拍了我的肩膊一下）但先生既派對點可以唔黎，一定要俾足面先生既！」


我也拍拍向貳負的腰說：

「貳負兄弟，今日大家都好俾面，最重要今日痛飲幾番。前事就唔好放係心上喇，始終大家都係轉世驅魔師，面對羸氏兄弟既打壓，我等理應團結共聚大義。」


向貳負也冷靜下來說：

「先生講得岩，我地都收到風姓羸既叫左宋廣進要開始打擊我地唔同既圖騰，但就唔知佢地會點做先令我地未知點防範。」


我繼續說：

「依軍師同侯某之見，宋廣進應該會以經濟封殺為第一步，始終無糧不聚兵，只要斷到各圖騰既衣食，自然不攻而破。第二，對付規模細既圖騰只需武力便輕而易舉。所以結盟聚義就可以壯大我等實力，即使宋廣進有任何行動，都須要三思而後行，始終一枝竹仔易折彎，幾枝竹仔斷折難。」


隸首說：

「多謝先生既建議，我地會番去同太山哥商量下。」


向貳負也說：

「我都番去同其他人商量下。」

大家也在婚禮中繼續把酒暢談，之後的事便且看各頭領的想法。希望他們可以放下成見，共襄義舉。