<<現代驅魔文獻>>: 第九十五章：迷離西貢百幕達 神幻結界大蚊山
第九十五章：迷離西貢百幕達 神幻結界大蚊山
（昆吾篇）二零一五年九月，炎熱的夏天晚上，馮夷和我坐在東灣把酒時，突然接到參胡打來的求救電話。
參胡緊張地說：
「昆吾，我係參胡啊。我有個同我一樣歸隱左既兄弟叫于則，江湖人稱玉玨指。佢係西貢失左蹤，我懷疑佢入左結界啊！」
《古本紀年》中有詩為證：
行到天涯泊沙場，鑄綉雄靴呷黃湯。
快刀驚魂玉玨指，出洞于則氣飛揚。
「等陣先參胡，講清楚少少。」
「早兩日，于則同個表弟去左西貢大蚊山行山。咁我無理啦，點知去到今日搵左佢成日都搵唔到，我搵左一個叫曾益既占卜師幫我卜，佢一占之後就話係入左結界。所以我而家咪諗住即刻入去救佢囉！」
「咩曾益啊？邊個黎架？會唔會于則只係迷左路？」
「占歲羈‧曾益，以前我車過既轉世驅魔師黎！佢係澳門好出名架，佢個Lucky coin占卜每次都係100%準！所以佢岩岩係澳門幫我擲左次占卜，肯定我兄弟係入左結界！」
「得，冷靜啲參胡兄弟。而家我入伙左南山，我同大哥講聲，睇下搵咩兄弟過黎幫手，一陣入黎，你就係西貢碼頭等埋我。即使大哥唔幫手，我都同馮夷入黎！」
「無問題！咁我而家揸左架車去碼頭先！」
掛線後，我馬上致電軍師告訴其事，她便集合眾兄弟去義雲廳。馮夷和我趕到義雲廳時，看見眾兄弟已經來到，他們已在商討。
大哥說：
「剛才軍師已交待參胡兄弟之事，因事出突然，我們今夜必要營救，免得參胡兄弟一人獨闖，也誤墜結界。」
和仲說：
「以前我們兄弟已經聽過西貢大蚊山有結界之說，卻未有半點頭緒。」
瑤姬也說：
「係啊，以前我住西貢果時都唔敢行去大蚊山，話果邊有結界。05年果時就有個丁利華事件，到而家都搵唔番。」
太山說：
「參胡兄弟以前都救過我，我都識佢，我地一定要幫佢！」
封鉅、英招等不少南山兄弟也被他接載過，紛紛和應馬上協助。
軍師說：
「現在已經夜深，若然半夜營救，恐怕難度提高。我等必要點撥合適人選，免得南山兄弟有所損傷。」
大哥說：
「軍師所言甚是，有勞軍師計較。」
軍師搖著羽扇，說：
「因今次山中拯救，主要非武力救援，須懂魔法或咒語既兄弟會更佳。祝陰、禺強、相士、離朱，負責協助昆吾、馮夷。瑤姬木魔法作醫護、常儀夜晚法力過人，二人一同前往。務求今晚完成任務。」
我們八人一起抱拳說：
「得令！」
軍師繼續說：
「剛才我已初步了解地勢，跟史皇兄弟已繪畫好地圖行走路線，你地八人先過黎了解。和仲、和叔會負責出船接載你地。子契、丹朱、后稷跟上船作援軍。奚仲會將上次作戰既藍牙設備作你地裝備，我等會係船上等你地出黎為止。」
他們也抱拳說：
「得令！」
「大哥就留守山上主持大局，靜候我等佳音。」
我們全部人整裝待發後，船程會先到西貢碼頭接參胡，再出發到大浪西灣下船，從那覓路沿脊上大蚊山。除了奚仲的藍牙裝備外，禺強給了我們一道下咒的魂魄追蹤符，萬一我們遇上什麼不測他也能知道我們位置。
接過參胡兄弟後，他竟然帶上了中型朴刀，看來他十分重視那兄弟。先讓他了解過我們的計劃後，也裝上藍牙及鏡頭。
到達大浪西灣對出海岸，因為該處沒有碼頭，只能在海上轉小艇上岸。和叔駕著小艇載了我們到沙灘後，跟我們抱拳說：
「昆吾兄弟，只要你們回來時通知軍師，我便再回來接你們。眾位兄弟，一切小心！」
我也抱拳回禮說：
「有勞和叔兄長。」
看著和叔離去，我、馮夷、參胡、常儀、瑤姬、祝陰、相士、離朱，一行八人站在大浪西灣的幼白沙灘上，抑望西貢這充滿詭異和謎團的山脈。
我跟大家說：
「我地出發喇，緊記我地一定要兩個一排，一排跟一排唔好走失。」
祝陰和我領頭，之後是常儀和瑤姬、馮夷和參胡、相士和離朱。我們踏過沙灘，煙霧迷漫下，終於從兩棵樹中間找到上山的路徑。
祝陰跟我們說：
「如果這是大自然的結界，我們便不易破法。剛才我與相士、離朱兄弟已商量好在沿途設下另一個結界，防止有鬼打牆（意思：鬼掩眼）或者有妖魔從後偷襲。」
此計甚好，即是如果誤入結界，也能確定不是有人從外設計結界包圍我們。但我的昆吾劍亦已拔出，當作格擋樹枝開路也好，當作準備好隨時作戰也好。
我見馮夷的鉤鐮槍、參胡的朴刀、常儀的弦月彎刀，亦已握緊自己的兵器，最見參胡十分焦急。
走了差不多半小時，崎嶇的山路配上叢林，確實不易。根據行程應該已經是大蚊山山腳附近了。四周仍然黑漆漆的，全靠我們手上的電筒覓路。
離朱突然說：
「等陣，我見到有啲野。」
馮夷問：
「見到咩啊？」
「有個女仔係兩公里內，佢好迷茫，好似都當失左路。」
我追問：
「會唔會係妖黎？」
「感應唔到有妖氣，應該唔係妖。」
常儀說：
「咁不如我地行快啲去搵左個女仔先，一個女仔半夜係深山會好危險！」
我們也一致認同盡快先找到那女生。花了半小時，根據離朱的指示我們去到女生的位置，看見一個全身行山裝備的廿歲左右女生，她正蹲著哭泣。
我溫柔地說：
「小姐，無事嗎？我地係行山拯救隊架。」
「我同家姐黎行夜山，點知佢行行下唔見左。。。鳴鳴。。。」
常儀也說：
「放心放心，無事架。我地都有朋友唔見左，所以黎搜索，不如你跟住我地，應該可以搵得番你家姐。」
她看見我們有男有女，而且常儀和瑤姬樣子也娟好可信賴，她說：
「我叫阿青，求下你地一定要幫我搵番我家姐啊！」
我們點頭後，便一直往大蚊山繼續搜索。常儀為抒解阿青的擔心和緊張心情，說：
「阿青，你地係邊到開始行山過黎架？」
阿青回答說：
「我地頭先係西灣亭開始行架，點知行到上黎大蚊山我家姐就突然唔見左。。。」
常儀也說：
「你未聽過大蚊山有結界既咩？仲夠膽兩個女仔行夜山？」
「聽過啊，但我地都聽過蛇石坳有蛇仙保護人麻，咪夠膽囉。」
相士很疑惑地說：
「蛇仙？而家呢年代仲邊有仙架，蛇精蛇妖就知，哈哈。小妹妹你真係太迷信喇。」
瑤姬也說：
「我都係西貢人，以前都未聽過既。」
阿青很激動地說：
「有架！本來西貢就係蛇仙一族保護架！以前就係蛇仙一族幫過西貢唔少住深山既村民，教佢地捕魚生活，又教佢地造武器，又教佢地挖金，咁先有而家咁繁榮既西貢，所以蛇石坳咪就係紀念蛇仙一族囉！」
瑤姬說：
「丹朱同我講過，仙咪即係妖修煉而成囉。」
離朱也說：
「瑤姬識野，無錯。仙以前都係妖，只係誠心向善修煉就成仙。」
阿青繼續說：
「你地都識幾多野喎！蛇仙就係春秋時遇上先師老子，修習左道德經之後慢慢成仙架！」
看來阿青心情已經放鬆很多了，真不能理解為什麼一個廿歲的女生會對這些妖魔鬼怪那麼熟悉。參胡說：
「係真唔係啊，我剩係知呢座山好邪！咁多年黎搞到咁多人失蹤！而家連我兄弟都困左係結界！」
馮夷也說：
「丁利華單案就好邪啦，佢堂堂一個反黑差佬，仲要行山專家，都跌左入結界。最奇怪仲要佢報警時，講左一大堆數字話係密碼，跟住仲要見到唔知咩野可以令佢驚到係咁叫救命！大佬啊，佢反黑黎喎，有咩惡人未見過，可以令佢咁驚嗌救命，我就覺得佢見到啲佢成世人都未見過既野，甚至係科學解釋唔到既野。。。」
常儀拍了一下馮夷，說：
「馮夷唔好係到講埋啲咁既野嚇阿青啦！」
此時我收到軍師從藍牙傳來的對話，她說：
「昆。。。吾，我地。。。呢邊。。。開始。。。收。。。唔。。。」
大家也紛紛討論藍牙失了功能，看來接近結界了。祝陰說：
「有鼓很強的力量在附近，我現在要嘗試打開結界。」
阿青好奇地問：
「你地究竟係咩人黎？又攞住刀劍咁，又話有力量？」
我回答說：
「其實我地係驅魔師黎，黎呢到就係救人。」
怎料阿青的反應是嘲笑，說：
「哈，驅魔師？而家呢個年代個個都想賺錢，做風水師就話姐，驅魔師真係笑大人個口。」
大家也對阿青突如奇來的嘲笑有點不爽，瑤姬說：
「阿青，我地真係驅魔師黎，斬妖除魔，除暴安良，替天行道。希望你可以明白，而且我地都幫你搵緊你家姐。」
「Sor，我語氣重左，咁我地繼續啦。」
這個阿青真是百思不得奇解，看見祝陰做了幾個咒語手勢後，好像沒有什麼效果。祝陰說：
「為啥不能打開結界之門？難道出狀況了嗎？」
參胡緊張地說：
「咁而家點算啊？昆吾你咁勁，有無其他計？」
我看著祝陰和相士思考，祝陰繼續說：
「咱們先繼續走，在別的地方我再試試打開。」
我們一行九人又再在大蚊山四處覓路，一路走時看到一個小瀑布，前面有一個水潭，馮夷認得是四壘潭。
常儀問：
「點解我地行左咁耐，又好似走番轉頭去左四壘潭既？」
我回答說：
「可能我地岩岩救阿青果時，搞錯左路線。唔緊要啦，大家行左咁耐都攰喇，係到休息一陣，洗個面，飲啖水先啦。」
我們也決定先在旁休息一下，始終夏天的晚上仍然暑熱，洗洗臉，感覺涼快多了。但這時候好像老是有點不妥。。。
馮夷說：
「大家有無留意到，我地好似好耐都聽唔到昆蟲既聲音。靜到完全咩聲都無既？」
相士說：
「斃！睇黎唔洗祝陰兄弟作法，我地都入左結界。岩岩我先發現，連我頭先一直作法既保護結界都無左，呢到真係好強既結界。」
祝陰說：
「看來對方不是泛泛之輩，也有可能真的是天然結界。」
參胡也說：
「咁咪好囉，我地入左黎就可以盡快搵番我兄弟于則！」
我回答說：
「大家先冷靜，我地同軍師失去左聯絡，無左支援，呢到又唔知有咩野係到，我地要加倍小心。」
三個女生聽後也感到氣氛詭異，但阿青人有三急，常儀和瑤姬便陪她到附近的草叢如廁，我們只好坐下潭邊休息。
離朱說：
「各位兄弟，我到而家都仲係咩都睇唔到，一啲妖魔鬼怪既踪影都無，會唔會真係入左大自然既結界，咁我地點可能破法出番去。。。」
祝陰和相士也一臉惆悵，馮夷說：
「船到橋頭自然直，放心喎。一陣唔好係班女仔面前講，嚇親佢地添啊。既然入到黎，我地就盡快幫參胡搵番于則兄弟先，再一齊諗計出去啦。」
相士說：
「我懷疑我地中左耳聾咒，無可能我地咩都聽唔到。我身上帶左啲異域黎既『雕棠樹果』，不如我地食左先試下會唔會聽到啲咩聲。」
相士從背包取出幾個葉子像榆樹葉卻呈四方形，果實像紅豆那麼細小的。入口後，口感像吃巧克力般脆，但味道極苦。吞下後，耳朵好像很靈光，大家也四目交投，因為我們都聽到附近的石頭傳來不少嘲笑聲！
我們還未來得及討論聲音的原因，突然聽到三個女生的大叫聲：
「呀！」
我們馬上執緊兵器上前，三人消失了。
而且看見非常血腥殘忍的東西。。。