從愛回家第N集《兄弟以上》，看Deadline人生。

從愛回家第N集《兄弟以上》，看Deadline人生。

今集劇情講到黃戌登同申靜宜既感情關係。兩人一直以兄弟相稱。事關申靜宜一路都係男人婆咁既性格同造型，而阿登又不嬲同女仔既接觸都係少之又少。結果所謂「兄弟」呢種老套既關係就係咁形成左。但其實兩人總係曖曖昧昧咁。今集靜宜終於想有D改變，打扮得女性D。亦因為咁，令到佢地既關係產生左D變化。

背景就係咁上下，而加黎到個重點啦。係情節上可以睇到阿登做事一路都係臨Deadline先做，例如：按摩張優惠劵等到夠期先急Call靜宜一齊按。買電話既優惠又係等夠期兼關門個刻先Call靜宜去買。到之後又買藍牙耳機，又係到最後一日先去買，卒之終於趕唔到，冇帶單據去買，冇左個半價優惠。

然後，當靜宜改變左，變得女性一D既時候，佢地「兄弟」既關係都到Deadline啦。佢地唔可能再以兄弟相稱，以阿登呢D毒X黎講，冇得以兄弟關係一齊，佢仲可以點……係呢個時候，靜宜就話佢地可以係「好好好朋友」。咁就當係解決左既唔係「兄弟」，又唔洗係情侶既關係既問題。

但係做人，如果你係阿登，你就可以咁好彩，永遠係Deadline既時候，都有人撲出黎同你趕埋佢。優惠劵Deadline，有人趕黎同你用；關係到Deadline，有人同你攜向另一步。但呢個世界係咪每次到Deadline既時候都有人幫你，有人同你一齊呢？定還是點解每次D野都要等到Deadline先做呢？一早做唔得咩？一早去改變一D野唔得咩？





唔好等到Deadline先黎做。
唔好等失去左先識得珍惜。
唔好以為個個都可以做Deadline Fighter。

(係我先可以XD)

Deadline，兩個字。
一橫一直，趕得切既，先算係贏。

利申：以上所述，全是亂UP。





阿明：雖然你都寫得麻麻地廢，但我覺得最大既問題係，點解你睇愛回家？仲要咁認真？