是咁的，我用左枝黑施風殺左人: 第一章 大材小用la

今朝一早，我如常返到公司

坐係一個已被人遺忘嘅位開始做嘢。

我地公司屬於中型物流公司，所以都有分唔同部門做嘢。

而我就比公司分配左去得我一個嘅IT部裡面負責整電腦，
最出奇嘅係自從我入左去IT部，公司所有電腦 唔好話有無壞呀 就連垃圾郵件都無。
就係咁，我正式成為最無需要被人記住嘅 IT仔。





雖然係咁，但我都係依間公司做左五年咁上下。
點解我會咁都做到五年？
首先老細又無話炒我，更何況我坐住嘅位係剛剛好對住人事部嘅女神 Wendy。

我每日準時返工就係為左J佢，
啊 唔係
係「關心」佢

佢雖然唔係好大波，但起碼都有個C cup
高又唔算好高，但身材比例剛剛好。




把聲重要係溫柔得泥唔造作。

對我泥講，一日唔J佢都好有難度。

今日嘅我都同平時一樣留意住坐我對面嘅女神，
腦裡都如常一樣FF緊點同女神纏綿

當我FF到咁上下個陣，後面有一把好「耐」無聽過嘅聲叫我。

「Tony，我有事想通知下你。」




我轉身一望
嘩屌
依位咪就係五年無交流過嘅老細！
Justin Chow！

人叫Justin 佢叫Justin

成身肥豬肉就快好似要爆出泥咁，

啲汗黃到好似肥叉燒上面啲油咁。


雖然佢個樣係衰啲，但話哂都係「養育」左我五年嘅老細。

「老細搵我有咩事？終於有電腦要比我整啦？」




我笑笑口咁望住老細，但佢個樣又扭扭令令咁。

「啦，Tony 。話哂你都係公司做左五年有多，你對公司嘅貢獻甚多。」

「所以呢，我認為…」

嘩…唔係掛，唔通升職加人工？
今次我都可以係女神面前威返次啦！

「你依啲人材留係我地公司，根本大材小用。你咁叻仔，出面大把世界啦！」
老細笑笑咁講

我load左一陣
先發覺，依一刻。
我已經比老細炒魷魚！





「hi auntie！你估我好想做你依份爛鬼工咩！如果唔係有女神係度，你求我都唔做啦！」

以上個句都只係我心中嘅諗法

現實上我只問一句。

「我月尾走定？」

「你做埋今日就得啦，我會計埋你依個月糧比你。」

咁都算唔錯呀…

起碼月頭比人炒左，都有一個月糧…





但最令我痛苦嘅係要同女神分開…

所以我決定！

我今日收工之前要同女神表白！