我竟然去左釋迦牟尼樂園番工

第一章


星期一，本來係打工仔既死亡之日，每一個人都帶住沉重既身軀番工，但係，我！竟然唔洗起身番工，點解呢？因為我被炒左囉！

自我介紹一下先，小弟叫做林永，朋友多數叫我wing哥，22歲死毒撚，平時鍾意打下lol，平時就要番it公司做奴啦，至於我係點解被人炒？其實比人炒既原因咪又係比人講是非啊或者同老闆係房認唔住開拖咁樣…

不過講番正題先，我冇左份工…咁咪姐係冇人工？？！！出事啦！點算啊…

於是，我2點鐘起身後，落街食左個茶餐之後就嗱嗱聲開始上網搵工。





其實上網搵工真係好撚戇鳩，要搵到一份你想做既工真係好似大海撈針一樣…啊等等先…………………





我收番我頭先講過既野












我係某求職網站既最下方發現左d好得意既野，仔細睇睇…吓…釋迦牟尼樂園既工作人員？老實講，呢個樂園我聽都未撚聽過，可能係新開我唔知啦，但係比我既感覺就係好神秘同好得意…

咁我都發現左佢地留低左個電話啦，電話係24567111，咁我當然就二話不說攞起我部電話打左呢個號碼





以下係我同接線生既對話：a=我 b=接線生

b=喂，你好？
a=啊…你好，請問聲，呢到係唔係釋迦牟尼樂團啊？
b=係啊，我地就係啦，咁請問先生打黎係咪想搵工呢？
a=都算係既…
b=咁就好啦，我幾驚請唔到人手啊，係啦先生，介唔介意留番低你既身份證號碼同埋手機號碼？
a=哦，好啊，身份證係…………電話係………
b=咁好啦先生，資料我地以經有齊哂，咁你可以係星期三番工嫁啦

啊…到左呢個時刻，其實我都唔知點算，我都只係講左幾句，咁就有人請我，開心就當然有啦，但驚訝既成份更多囉…

a=其實呢，唔洗面試既咩？好似好求奇咁既你地…
b=哦，其實是咁的，因為我地極度缺人手，所以就跳過哂所有請人程序，請左先算啦係咪先？
a=都係既，咁…我會係星期三番工架啦，唔該哂你，88




b=88~

收線之後，一種莫名既興奮感由心而生，我諗應該係連我自己估唔到自己可以咁快離開失業大軍

不過…諗諗下，成件事好似好巧合同離奇，我又成日睇警訊既，不時都會講下d求職陷阱，所以我呢兩日都係帶住一個又興奮又警戒既心情度過