果個女仔做咩一直係到望住我: 36

「係1970年，當時未有抵壘政策， 

所以一日到黑都有好多大陸人走落黎香港。 

當中，有兩個家庭，分別走左落黎香港。 

因緣聚會，佢地互相認識左，佢地互相有一個男BB，一個女BB。 

兩個家庭有個約定，就係佢地兩個大個左就會結成夫婦。 





到左果兩個BB真係大個左， 

好奇怪地，佢地真係兩情相悅，好快就墜入愛海。 

至此，佢兩個都以為，愛，就係由父母定斷，先係愛。 

父母講既，就係緣份。 

所以，佢兩個既下一代，都會由佢地去選擇，定斷， 





決定佢地既下一代既緣份。 

好快，佢地就生左個BB，係個女仔。 

好正常地，佢地都為左個而BB決定佢一生既伴侶， 

而早係個BB未出世既時候，已經決定左。 

個BB大個左之後，都未知道自己會有個未來老公。 





一直去到中一，佢第一日番學，同媽媽一齊番學， 

佢好緊張，因為係第一日讀中學。 

當佢諗緊佢可以點樣令自己無咁緊張既時候， 

lift黎到之前，佢聽到一把男仔聲係到大叫 

「點解我會咁靚仔嫁?不過無得解既，人靚仔其實係無罪既……」。 

佢忍唔住笑左出黎。入到lift之後，佢即刻扮無野， 

望左個男仔一眼，就唔理佢。 

但係個男仔的確係真係幾靚仔，一諗起個男仔岩岩既大叫同埋俊朗既傻笑， 





佢就隨即笑出黎，對番學既緊張完全失去， 

而自己就覺得，呢個男仔好特別。 

之後，佢好想再撞番個男仔，只可惜再無呢個機會。 

而呢個男仔，已經係佢心底佔下一席位。