果個女仔做咩一直係到望住我: 34

「嘩!咩料呀?點解會有個喼係到架?黃大小姐? 」 

一番到屋企就見到有個喼擺係門邊，嚇到我勁都縮。 

「黃小姐?穎希大人?妳做咩呀? 」 

我一手捉住穎希隻手，一路好緊張咁問。 

「其實呢間屋我係唔應該住咁耐既，始終唔係屬於自己既。 





我走啦，你自己小心啦。」 

穎希雙眼明顯又紅又腫，一定係岩岩喊到七彩黎。 

「黃穎希!妳聽我講!妳唔準走! 」 

我捉住佢隻手，捉得好實，唔想放開。 

「你放手啦!唔好捉住我啦!我又唔係你邊個， 





你又有咁多女。我根本都唔屬於呢到。放手啦好唔好? 」 

穎希不斷爭扎，想離開我。 

「我有咁多女?我邊有女呀? 」 

我不解，反問穎希。 

「你咁講係咩意思呀?你無女? 上次水運鍚你果個女仔係鬼黎架? 





咁我岩岩見到同你一齊食飯果個女仔又係鬼黎架?我仲見到你銀包有你同佢既自拍tim。」 

穎希雙眼漸紅，雙手拍打我胸膛，好似想打死我咁。 

「黃大小姐，果個係我細妹何芷盈黎架!我同佢耐無見， 

岩岩出黎食飯之嘛，妳諗左去邊阿。」 

我笑住咁答佢，而佢亦都放棄爭扎。 

「黃穎希，其實岩岩同何芷盈傾左陣計，先發覺其實我個心已經俾妳佔有左。 

妳任何一個舉動，我都知妳諗緊咩，想做咩。 

我為妳付出我既所有，我作出好多我既第一次，第一次揹住個女仔去睇醫生，食野。 





第一次幫一個女仔揉藥油。第一次打輸機俾女仔。 

呢D野，我最初以為係D好低B既事，原來唔係。 

原來中意一個人，就係會做D咁低B既野。」 

我愈講，黃穎希就愈流更多淚。 

「黃穎希，妳可唔可以做我女朋友? 

等我繼續去照顧妳，鍚妳，揹妳，一世做妳既呀四? 」 

我摟住佢咁問。 





黃穎希既身體不斷咁震，我feel到我既膊頭漸漸咁濕起上黎，係佢既眼淚整濕哂我既膊頭。 

老老實實，喊到咁，一定得米啦。 

我心中不禁暗喜。 

過左成分鐘，黃穎希都係無做任何回應。. 

「黃穎希? 」 

我小聲問。 

終於，黃穎希離開左我既懷抱， 

準備開口應承做我女朋友。 





黃穎希整理好自己既情緒，準備做我女朋友。 

然後， 

緩緩吐出一句 

「對唔住，我唔可以……」