果個女仔做咩一直係到望住我: 24

我今年雖然仲係中五，但係已經食過三條女，不過無一個係處女。 

第一條雖然唔係處女，但係我愛佢，佢係我前女朋友。 

第二，三條只係ONS，唔係處。 

我同自己講過，如果唔係自己真心愛既，一定唔會食人隻豬。 

所以我一直都無搞過d對所謂兵，因為我根本唔愛佢地。 





而眼前既望晴，只係因為佢送左條上面寫住「男神加油」二字既黃色膠手帶俾我。 

而黃色膠手帶對我好有記念價值，，因為我第一次用心愛既女仔都有送過一條寫住「加油」既黃色手帶俾我， 

可惜佢離開左我，我失去左佢。 

簡單d講句，我之所以對佢比其他兵好，係因為條黃色手帶。 

所以，我無可能同佢發生關係，我做唔到。 





「sorry。」我道歉。 

望晴低下頭，無出聲。 

「其實你係咪中意社長? 」 

望晴舉高頭，擦一擦眼淚，問左條咁既問題。 

「點解咁問。」 





我頗有興趣想知佢點講，因為我都唔知。 

「因為我見到佢成日叫你做乜做物，成隻狗咁， 

但係你又唔會反抗。除左你中意佢之外，我諗唔到仲有咩理由。」 

「咁黃穎希……」 

我一時之間諗唔到點答。 

「哈!你睇下你!我都無話係邊個，你就咁啦。 

我一定話係黃社社長嫁咩?唔可以係紅社既靚女社長嫁咩? 

佢都好似約過你食飯，但係你唔理人之嘛。」 





點解佢咁都知。 

「點都好啦，對唔住。」 

我都係選擇左迥避佢。