果個女仔做咩一直係到望住我: 14

「老細，煲粥瘦肉，兩人份量，廿二蚊?咁貴?廿蚊啦。」 

「老闆娘，瑤柱點賣呀?十蚊三舊咁貴?唉，是但啦。同埋要少少蠔屎阿。」 

「見你咁靚仔，蠔屎送俾你啦。」 

老闆娘笑淫淫咁望住我。我心諗，收皮啦， 

擺明呃9我錢! 





不過算!為左穎希，值得既。 

咦?點解我會咁為佢既? 

因為佢病啫 

一定係咁，一定係咁，嗯。 

「嘩!好香阿。咦!你做咩無啦啦煲粥呀?又話打機? 」 





訓醒既黃穎希揭開個煲蓋，但係好似無拎住條毛巾啵傻的嗎仔。 

「丫!!!!!!!!!!!!!!!!!!! 」 

黃穎希隨即慘叫。 

「彭! 」一聲， 

煲蓋應聲而下，差D將個煲都倒瀉埋。 





「哇!好痛呀! 」黃穎希大叫，但係仲企係到唔識沖水。 

我即黑9沖過去，一隻手捉住佢隻手， 

打開水龍頭，慢慢沖水。 

另一隻手就整番好個煲，其實都未煲完，仲開緊火，黃穎希隻手一定痛到Hi Hi。 

「黃穎希妳係咪燒壞左個腦呀。有咩理由就咁開個煲蓋呀死白痴! 」我 

一路捉住佢隻手，一路慢慢好溫柔按摩隻手紅左既位置。 

「咁又點呀，痛都係我痛啫，又唔關你事，又唔係你整親，洗乜咁大反應呀。」 

黃穎希嘟長個嘴，望住我。 





「頂妳咩，妳痛同我痛又有咩分別呢? 」 

我口快快咁講左心果句出黎 

「你咁講係咩意思呀? 」 

佢定神望住我， 

雙眼好似看穿左我心底諗緊乜。 

然而，我選擇左避開佢既目光。