那些年，當香港仲係百鬼夜行既時代: 22. 最後的終點

「歡迎各位收睇XXB十二點半新聞報導。香港今日發生開埠以黎第一宗七點八級大地震，震央係係西貢，而震源深度大約只有一公里，新界唔少居民指佢地都不約而同係大約下午五點鐘左右感受到極強既震動，而香港天文台就指市民感受到既震動係地震而引起。眾受周知，香港並唔係地震帶黎，咁點解今日會突然有呢個咁厲害既地震，點解震源深度又會咁淺，而又點解只係得新界居民感受到呢?XXB特別搵到資深地震學家，周樹仁博士黎同我地解析一下。周教授呀...」 我幾經辛苦終於抬左師父返屋企。一扭開電視，就見到鎖羅盤村一戰所帶黎既後遺症。 不過點查都唔會查到黎我地頭上啦。我心想。 師父仍然係無知覺。一下子轟出咁厲害既一招，相信無返三五七日師父都醒唔到。 下一步可以點做?我唔知。最有可能就係等埋師父起身再算吧。 「雨瑤，嗯，係呀師父請左地官上身所以搞到局部性地區地震...我無事，師父就暈左。無事架無事架，我夜D會返一返黎執幾件衫，嗯，等到佢醒返先。」 我望住昏迷緊既師父，但係我望唔清，我望唔清到底係香港呢個百鬼夜行既時代，到底我同師父可以做到幾多野? ----------------------------------------------------------第四部完---------------------------------------------------------------------