那些年，當香港仲係百鬼夜行既時代: 10. 嘉賢臺VII – 收鬼

豬肉榮明明就係一個中氣十足既男仔，點解把聲會變成咁既!?唯一原因...就係隻女鬼上左佢身!我當機立斷，決定帶佢去見我師父，只有師父先有計搞掂佢。 「走!搵我師父!」我招呼上眾人，其實我可以唔帶佢地去，但係我怕..隻女鬼唔單止只係上左豬肉榮身... 雖然當時我地都仲驚魂未定，但係我地仍然決定要立即送豬肉榮去我師父住既地方，西環。當時既西環人跡罕至，屠房都係到，動物怨氣四起，絕對唔適合住人，住鬼一流，師父有見及此，所以決定住入去，秉承御鬼門既祖訓。話咁快，我地就去到西環。 「師父!」我向開門既師父求救。 「扶佢入黎先。阿一，發生咩事?」師父一眼睇得出豬肉榮有D唔對路。 我扶好豬肉榮坐低之後，丫，佢又無衣嘩鬼叫，靜返D。見佢好D，我就開始慢慢同師父講今晚既經歷，黑仔，野人佢地間唔中就幫我做少少補充，而師父時而皺眉，時而緊握拳頭。到聽完哂，佢就靜默不言。 最後我怕豬肉榮會有D咩事，決定打破沉默。「師父，呃...」 「除左佢，黑仔同埋你另一個朋友都出左事，我幫佢地驅一下要。」 「咁我地個班..」一聽到黑仔都有事，咁我同女神咪都無得倖免於難!? 「閻羅放得你地走，就一定唔會比你地帶埋鬼上黎。所以你地無事，放心。」師父打斷我既說話。「你地坐一陣，係我屋企D鬼唔敢發爛渣，一仔跟我黎。」 我跟住師父入左去放法器呀，符呀，奇奇怪怪既野既房入邊。 「你既推論好岩，但係仲爭左少少野，就係隻女鬼仲有第二手準備。佢唔單止用你地黎暪過閻王，仲將自己既魂注入黑仔佢地三個身上，希望就算自己本命魂上唔返黎，都可以靠黑仔佢地身上既一魂二魄上返人間幫佢做野。」師父一路摷一口黑色既大箱，一路同我講。「我衣家幫佢地收返個一魂二魄返黎先，唔係好快佢地本身既魂就會比女鬼既魂同化，化成一個只係幫女鬼做野既活死人。你個三個朋友叫咩名?」 要名?我即刻同師父講佢地個名，雖然我唔知師父要佢地個名黎做咩。 語畢，師父就另返轉頭，手中仲多左三張符，而符背後就寫住黑仔佢地三個既名。同時仲有三個牛奶公司樣既樽。佢逕自行出大廳，我就一路跟住佢，我知道我地岩岩既對話係唔可以比出邊班人知既，唔係一定搞到群眾恐慌。 「你地拎住呢三個樽。」
 黑仔佢地依言拎住D樽，師父就拎住個三張符唸唸有詞。 「轉輪慈王，煉化九道 ，統領萬鬼，萬物莫視!人間惡鬼，不得留停，天旨勿違，今上告之!奉請十殿轉輪王急收鬼! 」