【海嘯警告，現正生效】: Ep.18

「下午五點 依家由張浩軒為你報道一節新聞 為處呂宋海峽既多條海底電纜中斷 至今仍未能修復 來往東亞同埋歐美嘅互聯網中斷 導致大部份網站及伺服器供應商無法運作 估計損失達八千萬美金 專家估計 由於地震強烈 而且有餘震不斷發生 估計修復需要十年時間⋯」

「Hi⋯ 打極比佢都唔聽嘅⋯ 唔係出咗事呀」
我狂咁打俾阿Sam 都完全冇接到
人哋係生死存亡嘅時候 我仲企係56樓個窗口位度
我係度考慮緊究竟落唔落去好⋯
唔落去又好似好缺德咁⋯⋯
但系落咗去我有咩都幫唔到手⋯
「人哋又有裝甲車 又有軍器⋯ 點鬥得過⋯」
「但係佢始終都係我朋友啊⋯」




「冇理由睇住佢死架喎⋯」

「究竟落唔落去好呢⋯⋯」我行入去電梯
我係嗰度糾纏咗好耐
有好多次個lift門自己關咗 我要撳掣開返
每次關門 都好似個電梯想同我講
「你決定好未呀 我等左你好向左走向右走耐啊⋯」

最後 我無悔咁撳咗地下個掣
「為咗朋友⋯ 點都值得嘅⋯⋯」




原來落到地下 又係另一番風景⋯
成個路面亂七八糟 就好似佢哋特登搞破壞
路上事不事見到有血蹟⋯⋯
越行得耐 我好似見到有啲屍體⋯
成個畫面好似打仗咁
唔同嘅係 佢哋係攻擊一啲無反擊能力嘅人
令我反思一樣野⋯⋯
「究竟點解佢哋要周圍搞破壞呢？」
要表示佢哋嘅不滿？
要以牙還牙？




定係要發洩佢哋嘅情緒？
「但係冇理由啊⋯ 佢哋根本無必要咁做⋯」

行行吓 我終於搵到阿Sam
「喂你冇嘢吖嘛⋯」
「冇嘢 好彩我走得甩⋯⋯」
「但係你隻腳流晒血咁樣⋯」
「唔緊要啦 擦傷左姐⋯」
「唔係呀 我驚你失血過多啊⋯」
「但係你做乜無啦啦走落黎搵我？」
「⋯我驚你出事囉 電話又唔通⋯」
「乜咁gay呀⋯ 唔通你鍾意左我」＊並非想貶低同性戀人士
「唔向左走向右走係啦 你死咗邊個負責啊 咪我囉頂你⋯」
「乜原來係咁啊⋯」
「我驚你死果時仲話我見死不救啊⋯」




「我似有咁陰濕咩⋯」
「話說⋯ 你知唔知點解班逃犯無啦啦叫襲擊我哋呢啲市民？」
「呀你講起上嚟⋯ 我見到佢哋係架車到攞住個似對講機嘅嘢講嘢喎⋯」
「如果係 你知唔知係邊個？」
「咁一定係想殺死我哋嘅人⋯⋯」
「咁有邊個想殺死我地呀？⋯」

「解放軍！」我哋異口同聲咁樣講咗出來