【海嘯警告，現正生效】: Ep.10

「晚上九點 依家由張浩軒為你報道一節新聞 港府剛剛接獲消息 稱嶺澳核電廠2號機組因海嘯關係受到嚴重損毁 並已於今晨開始洩漏核輻射 當時香港吹東北風 估計輻射塵已經抵達本港 本港政府正式宣佈 香港進入緊急狀態 並於稍後會召開記者會 詳細說明日後安排 另外 赤柱監獄係下午四點突然失去聯絡 暫時未知情況⋯」

「Hi！下晝打俾佢打到而家都仲未聽嘅！手機無電啊？」
我瘋狂咁打俾承哥 但係每次都係留言信箱
「我有好多野要問佢啊⋯⋯」
依家我淨係知道依層嘅食物喺邊度 但係遲早唔夠食
我淨係入行左一兩年 唔係太熟悉公司環境
所以而家就淨係唯有食住啲乾糧⋯⋯

雖然下面啲水已經退咗 但係下面依然一片凌亂




如果唔係海嘯嘅話 我仲以為發生過暴動⋯

「咩話？香港有輻射？咪玩我啦！」
「唔係呀！係真架！政府都係咁講嘅！」
「咁佢朝頭早又話出錯又話假消息？」
街上面嘅人不停喺度議論…
「咩輻射啊？」我問
「仲問？你無聽收音機架？」
「個核電廠爆左呀好似！」
「唔向左走向右走係呀 個浪來之前佢又話可以抵擋十米高嘅？」




「至弊係呢個浪成十幾二十米高呢⋯⋯」
「咁佢一開頭又唔講？又係度玩語言藝術？」
「得一個理由嘅啫 佢唔想你知道囉」
「無理由嘅 中國又點會咁狠心呢？」嗰啲阿伯開始聞
「你以為中國好好啊 佢哋全部都係為利益着想架咋！」
「你都傻的嗎嘅 中國又點會拋棄香港呢？」
見住個場愈演愈烈 我都係行開回避一下⋯

我行過去銅鑼灣—海嘯冇淹沒到嘅地方
我見到一切都好正常 唯獨是冇車




差唔多成條路都變成行人專用區
不過呢個時候 都冇乜人介意嘅啦⋯
我行過去七仔 令我驚訝嘅係
水同埋杯面都俾人一掃而空
「先生 你要啲乜嘢？」
我冇無應佢 之後行過去我咗啲野飲同零食
「我要呢啲」
「總共＄48，比現金定係八達通？」
「八達通。」
「要唔要膠袋⋯」
「呀你真係唔驚喎… 出面海嘯你都可以做到咩都冇發生過咁」
佢呆左一呆 之後應左一句我覺得毛骨悚然既說話

「橫掂都死架囉 點解唔好好做落去呢？」
「OKOK 兄台你講得啱⋯你講得啱⋯」我講完之後即刻沖咗出去




「留意餘額呀」