【海嘯警告，現正生效】: Ep.8

「早上七點 依家由黃維為你報道一節新聞 昨夜凌晨受到海嘯影響 來往香港島交通中斷 導致大批民眾滯留咗係巴士及地鐵站 部份人情緒激動 位於赤鱲角嘅機場北跑道亦受到嚴重損毁 目前航班升降主要靠南跑道 另外香港環境伽馬輻射水平超出正常水平 而政府表示 此數據出現技術性錯誤 呼籲市民毋須擔心⋯」

「我頂啊⋯ 唔記得已經停咗電 仲等我喺度全神貫注咁破解個密碼⋯」我用力踢開度門
我前個半個鐘 瘋狂咁樣係度搵破解嘅方法
差唔多查搵晒全層 完全冇提示
搵晒所有解密嘅方法 完全冇頭緒
最終 我用咗暴力解決呢個問題⋯

「後備電源… 頂你啲咩文來架！」望住成排既電制
仲要成堆日文 諗緊點樣解決⋯




「我冇學過日文架喎… 唯有睇吓Google識唔識啦…」
「沒有網絡服務？！Hi今次Hi Hi啦⋯」
我本來想問下啲Friend嘅
但係諗返起電話又打唔通 WhatsApp又冇得用
部電話基本上淪為廢物 剩係得一個電話打通
「唉冇辦法… 我都係要嘈醒你架啦⋯」

「依度係承哥嘅留言信箱 有啲乜嘢事搵我喺咇一聲之後留低口信」
「呀Hi 你 熄埋部機咁絕？」
「⋯咁唯有自己頂硬上」




我望住電表房嘅所有物件 掃來掃去終於搵到有樣有用嘅嘢
係一本疑似說明書嘅嘢
「啊 終於有返啲中文！」
講嘢主要係講述呢個電表房所有制係用嚟做乜
我掃來掃去 終於見到有個疑似後備電源嘅嘢
「⋯要開啟後備電源 請到雜物室」
「Hi！搞咁多嘢都頭來原來唔係呢度！」我嬲到即場擲本野落地
之後 我都係死死氣咁周圍搵雜物室
因為雜物室冇係門口標籤住 所以都好難搵
個個門口都好似一樣咁⋯




「依間？唔係⋯⋯」
「依間？又唔係⋯⋯」
「係呢間啦掛？都唔係⋯⋯」
「呢間⋯Hi原來男廁⋯」

如是者 我搵左幾廿間
冇一間係雜物房…
當我懷着放棄嘅精神返返去電表房嗰度
我發現電表房入邊 有道類似門咁嘅物體
我一拉開 「亞太區有一天成為亞太區你個街 兜左成個圈原來係呢度！」
我簡直就好似被人玩弄左咁⋯⋯

入到去 我見到一個類似密碼鎖嘅嘢
「唔係又要打密碼啊⋯⋯」
我睇返本說明書「請係鍵盤上輸入閣下樓層 便即開啟該樓層後備電源」




「如要開啟電梯 輸入「#〔電梯編號〕」
「原來咁簡單架 仲搞到我成個鐘添…」

因為我驚電梯落到2樓以下嘅地方 佢會壞同埋浸死我
所以我選擇去5樓 5樓有露台 可以睇到出面嘅情況
基本上 依家要喺市區活動嘅方法 就係靠『船』
唔係正式嘅船 而係攞啲大型飄浮物品移動
所有地面鋪都淹沒左係水底之下 相信嗰啲店鋪嘅損失都嚴重…
其實除咗水浸之外 市區冇乜太大改變
啲人照常活動 有啲人係度影相
亦都有啲人喺度善後

呢個時候 我電話又響啦