再一次愛上沒有放下的舊情人: 七十五

「先生，我地依家要送佢上白車，我想問你係佢邊個」救護員說

「我...我係佢男朋友」我說

「咁...不如你都一齊上埋車啦」

不過說實話，我真係唔想上車，唔係我唔關心佢

而係我唔想睇住自己心愛既人訓係到，但自己就咩都做唔到





上到白車，我坐左係佢身邊

只見到眼前既佢合上眼，就好似睡公主一樣沉睡著

但始終，現實就係現實，唔可以好似童話故事咁，錫佢一下就會醒番

無幾耐，白車就到達屯門醫院，佢地亦都隨即將Karen送入急證室

與此同時，我亦都通知呀Wing黎醫生，如果萬一有啲咩事，我都可以有人幫手





「呀Wing，Karen入左醫院呀，你可唔可以過一過黎」我致電問道

「好呀，你等等，我依家即刻趕過黎」

「但係...會唔會阻住你休息呀」

「講依啲，我都放假架嘛，又無野做，咪當早啲起身囉做運動囉」

「況且朋友有事我又點可以企係到，我都想睇下有咩幫到手」呀Wing接著說





「多謝你...」我除左多謝謝，再唔知可以對佢講咩

「傻啦，我到左打比你啦」說畢，佢就收線

或者係朝早既醫院特別靜，Karen既聲音不停係我腦海入面浮現

「呀成呀，不如我地結婚囉」

「呀成呀，幾時帶我上去你屋企見你屋企人呀」

「衰人又玩我」

奈何偏偏佢就係入面，而我只可以坐係到，望住天花，回憶舊時既時光