再一次愛上沒有放下的舊情人: 七十一

「唔係呀，岩岩係車先識架」我答

「見你地有講有笑咁，以為你地識左好耐」

「唔係呀，其實係因為你無啦啦發開口夢我同司機先識」

「吓！！！咁我講左啲咩呀」佢面紅耳赤地說

「唔話你知」我一邊走一邊說





番到去，佢即刻入左浴室沖涼，而我就躺在梳化上，等佢沖完之後到我沖

正當我合上眼，準備訓著之際，電話既震動聲卻傳到我身邊

檯頭響左既並非既既電話，而係Karen既

我正糾結緊好無幫佢接聽依個既時候，我望住電話上方顯示既聯絡人

Dr. Chan，我讀書唔多，但都知到依個電話應該係醫生打黎





我擔心Karen有咩事，擅自決定幫佢聽左依個電話

「喂」

「喂唔該我想搵陳小姐呀」

「我係佢男朋友，你搵佢咩事？」我問

「咁既，其實我地做醫生既係唔會向病人以外既人透露佢既病況」





「而且你口講無憑，我又點可以就單憑你口講就信你係陳小姐既男朋友呢」醫生接著說

「咁你又點去證明你就係醫生呢，唔比你係佢追求者？」我開始發怒

「先生，唔該你講下道理，依家係你拎左佢部電話聽，而唔係我主動打比先生你」

我見佢唔肯讓步，亦都唔打算再同佢講落去，反正咁樣拖法只會浪費我時間

「咁你唔肯講，我一陣叫佢打番比你」我講完就即刻收左佢線

無幾耐，Karen亦都沖完涼出黎

「岩岩有個叫Dr.Chan既人搵你」我不以為然地說

佢企左係到，沉默左一陣，面外色驚恐





「邊個叫佢未問過我就聽我部電話架」佢破口大罵著

如此突如其來既責罵，將我驚得魂飛魄散

佢亦都不曾咁大聲話過我，當然，我都無啦

我心諗，都只不詔係一個普通既電話，又需唔需要咁去話我

可能係Karen去左做身體檢查，醫生想約佢去拎報告姐

我只見佢拎住電話入廁所，然後同對方傾緊電話

我見佢咁嬲，亦都唔打算偷聽佢講電話，免得再火上加油





唯有等佢出黎，再同佢道一道歉