再一次愛上沒有放下的舊情人: 六十八
佢忌到我咁講,面色一沉,但唔似以前咁對眼紅曬
「係咩,你係覺得我配唔起你呀,定係你配唔起我呀?」Karen問
聽佢既語氣,並唔似講笑,而係真係好認真咁想大家一齊傾
「唔係,你好好,你真係好好,但我覺得自己諗既野,做既野都好唔成熟
以前我都細過,拍拖,我都仲會覺得你同我嘻嘻哈哈既生活係無問題
但依一年幾,你做事上真係成熟左好多,做咩決定之前都會諗清楚」
「反而我仲係咩都無變過,講野之前都仲係唔理後果
好似岩岩求婚既事,我其實從來都無諗過要去計畫
真係你岩岩話依家求婚你都會應承,咁我先會咁做」
「又好似你將啲野搬走咁,本來我應該留低陪你,但我就只係顧住做野
我只係諗住自己,做既所有野都無理會過你感受
你需要我做既,我咩都做唔到
基本上,即使你點講都好,我都唔覺得自己會比到幸福你」
雨水慢慢地落下,水滴打落我既面上,我已經分唔清上面既係雨水定係淚水
暗淡既街燈,地面上既影子不停走過,時間一分一秒地過
我同佢都無出聲,似乎大家都等緊對方打破沉默
我始終忍不住沉默既氣氛,只係單單講左一句話
「我愛你」
唔講都好啲,一講Karen既眼淚即刻係佢既眼湧出黎
我攬住佢,我無諗咩,我只係得一個諗法,我唔想比佢自己一個人
「余志成,你唔好再離開我好無呀」佢喊住講
其實我無好明刀明槍咁話離開佢,可能言語之間比佢覺得我想分開
「我唔會」我只係講左三個字
「我唔知你呀你成日都呃我既」佢愈喊愈勁,佢既叫聲引到四圍既人望住
「你愛唔愛我呀咁」我問