再一次愛上沒有放下的舊情人: 六十六

佢跑得唔快，我好易就追得上佢，我一手攬住佢

「捉到你啦，仲走」我笑著說

「恰我既你，唔同你玩啦」佢將個頭放係我心口，然後說

「你有冇諗過幾時結婚呀」我問道

「無架，你準備好既你依家求婚我都會答應你架」





我唔知佢係咪開玩笑，定係真係已經認定左我就係佢既真命天子

「你講真架」我認真問道

佢不過是嗯左一聲，就繼續攬住我

我地就咁樣攬住，企左係欄杆邊，聽住海浪聲，感覺好浪漫

「你口唔口渴呀，我去買啲野比你飲啦」





「我想食雪糕呀」Karen笑左望住我

「好啦好啦，但要一齊買喎」

「嘻嘻，我要富豪雪糕車個啲」

我心諗：嘩...你真識食

「邊到搵架雪糕車比你呀大小姐」





「唔係呀岩岩我見到個邊有間，再唔去就走架啦」

一講到依甜品，就算佢再失落，都會立即提起勁來

而且好明顯佢只係等我問佢一句，佢就會話去食

根本一開始就係想食雪糕先過黎，但望住咁天真既佢，我都不禁順從佢既意思去做

買完雪糕，佢拎住佢既雪糕，跟住我去便利店

「我買啲野飲呀，你係到等我呀」我見佢係住雪糕，廢事其他人唔鐘意

我係個櫃到拎左罐可樂，仲有支水

比完錢出到去，佢話咁快已經食完雪糕，但好明顯佢唔知自己食到成個嘴都係





「唉你睇你呀，食到成個嘴都係啦為食貓」

我拎出紙巾，濕一濕水，然後幫佢抹乾淨個嘴

「拿，食完野飲啲水啦」我將手上既水遞比佢

「嘻嘻，你真係細心既姐」

而我，就買左我罐可樂飲，一到飲一到拖住佢行

如是者，我地一到行，一到行，行左差唔多半個鐘，都差唔多行完成個海塝

「傻瓜，你合埋上眼先呀」





「做咩事呀」佢一面不知所措，但始終照我既話做，合上了雙眼

我將可樂上既拉環除下，放係佢面前，並跪係地下

「你可以睜開眼啦」我示意佢望住我

佢一開眼，只見佢目瞪口呆咁望住我，我搶先佢開聲

「嫁比我呀」