再一次愛上沒有放下的舊情人: 五十三

我望住電話既來電，望住聯絡人既名，再我望住呀Wing

「邊個黎架」呀Wing望住我電話問

我遞比佢自己睇，佢睇完之後望住我，一言不發

「聽唔聽好？」我問

只見對方無打算掛線，試圖打到我聽為止





「佢一直打比你又唔收線，我諗佢都有緊要事搵你掛...」呀Wing說話背後好似叫我電下呀邦講咩

我望住電話，始終唔肯禁下綠色既接聽制

電話停止震動，我先無再覺得緊張

而呀Wing，見我神態有番起色，都報以一個微笑

「食完野，我同你番去啦」我說





「我想食埋糖水先呀」佢撒嬌地說

女人，真係有兩個胃，一個用黎食正餐，一個用黎食甜品

食完糖水，同佢行一陣，就去搭車，雖然同佢無咩特別既行程，但都足夠令我覺得開心

「同我出街開唔開心呀」佢笑住問

「開心呀」





「嘻嘻，我都知呀，你個樣都表現曬出黎啦」佢個樣好滿足

我望一望鏡，見到自己個樣出現左久違既笑容

我已經忘記左我有幾耐冇咁樣笑過

「呀成，你遞隻耳過黎呀」

我將個頭貼埋去佢嘴邊，突然佢錫左我一下，依個舉動令我又驚又喜

我呆左咁望住佢，佢於我個樣好出奇

「做咩咁既樣喎，你唔好諗太多呀，我多謝你陪左我咁耐咋」佢解釋著

「我多謝你就真，你陪左我仲多啦」我細聲說





「咩話？」我唔知佢扮聽唔到定真係聽唔到，但我都無再講多次

「唔話你知，等你心思思」我笑住說

「你好老土呀」佢一邊說一邊拍打我

好彩有佢，如果唔係我都唔知我會唔會自尋短見

依個時候，電話又再震，又係呀邦打黎

「呀Wing，我唔想聽」我說

「我幫你聽啦」佢一手搶左我部電話





「喂」