再一次愛上沒有放下的舊情人: 四十三

眼見呀邦面有難色，唔似平時既佢，我不禁心中一震

「做咩咁既樣呀你」我問

「唉，其實有啲野我唔知應唔應該講，但我見你地咁幸福我真係唔忍心講...」呀邦少有地唔講粗口

「屌你講啦」我開始發脾氣地說

「其實Karen唔係你想像中咁純情」





「咩意思？」

「個陣你同佢分左手，之後你又唔理佢，後來係學校傳佢同一個叫Leo既人拍拖」

咩話...點解佢從來無同我講過架

「你又知」我質疑佢說

「屌你唔知我以前做咩既咩...」





講番先，呀邦，全名叫王夜邦，同Karen一樣都係我中學同學黎，佢仲有個花名叫天文台

如同其名，佢收風真係準到不得了，小至miss著咩色低褲，大至全校各人既關係，佢無一不知

後黎因為唔知咩事比人踢左出校，我就再無搵佢

聽到佢咁權威性既語氣，我亦都唔會質疑

「其實佢依家對你咁專一，你擔心啲咩」佢打斷左我既思緒





「我...我都唔知」

「你老味呀，你同個啲自己條女唔係處既男仔有咩分別？佢既過去真係咁重要咩」佢鬧到

「依家係佢咩都瞞住我呀，再者佢既處係比我，點同」我大聲說

呀邦目瞪口呆咁望住我，我亦留意到自己既聲線過大，搞到其他食客望住曬

「唉...你咁在意做咩，我唔講，就係唔想你咁大反應」呀邦說

的確，我好多時都會因為依啲衝擊而亂諗，其實好多道理我都明，但我心中有刺

「或者，佢唔同你講，同我所諗既都係一樣呢」呀邦安慰我說