再一次愛上沒有放下的舊情人: 三十六

我同Karen一直對望，心中不禁一寒

一個無登記既電話，又何來傳來whatsapp

我打開電話既鎖，查閱佢傳來既對話

「你唔洗打黎搵我啦，都話左我同你唔係同一個世界既人黎」嘉琪說

「你係黎自地獄既？」我諗諗下，漫畫都有個叫地獄少女啦，咁佢黎自地獄亦都唔係無可能呀





「地獄你個頭咩」

「咁你點知我既存在？」我愈聽愈唔明，坐係我身邊既Karen亦聽得一面呆滯

我問完佢之後，佢就無再覆過我

「其實係咪玩野架咋」Karen好似個小學生咁問

「我諗...應該唔會既，唔好諗咁多啦，我地去訓啦」





「你唔扶我呀？」只見Karen坐係地上說

我都唔記得左岩岩佢扭親隻腳，睇黎佢聽日都番唔到工架啦

我打左個電話比Kenny叫佢幫我同Karen請假

當然，我只係話送Karen番屋企個陣佢唔小心整親啦

我扶住Karen入房，可能發生太多野，無意間我都早早入睡





睡著睡著又聽到有一把女聲在叫喚住我

「成...成...」我無法睜開眼，卻又清楚看到那個陌生女子

「你係...」

「果然，我地只可以用依個方法見面」

突然，腦海滿滿的現出了回憶

「我...一直都係你腦海入面...係你心入面...我一直看著你的...」

「我知道架」我流著淚說

「唔好再喊啦...你要好好對待個個女仔啦...或者佢就係我轉世呢」那女孩笑著說





「早知，早知我就唔飲碗湯啦，咁我就唔會唔記得你」我沒有理會佢，繼續喊住講

「雖然我唔知邊個係我轉世，但個個女仔同我都好有多共通點呀係咪」女孩繼續安慰我說

「係...但...」我唔知點反駁佢

「今次我黎見左你兩日，有排都無得再見你架啦，你要聽話啦知嘛」雖然佢笑說，但淚水卻在眼裡慢慢流下

「知道啦」我大喊著說，老老實實，我印象中都未試過喊得咁勁

佢攬住我，說：「我地一定會再見架，只要你，想見我既話」

當我止住淚水，已經發覺佢消失於無形之中





「嘉琪....」