再一次愛上沒有放下的舊情人: 三十一

我望住電話，心入面不禁一震

我一直都覺得，嘉琪只係我夢境入面出現過既人，又或者係我曾經見過但我唔熟既人

畢竟我對佢個名並無深刻既印象，但佢竟然主動搵我，證明佢係一個我認識既人

唔係既話，我無理由會比電話佢，但再諗深一層，亦都可以係其他人比佢，又唔可以一口咬定佢就係我識既人

依個時候，Karen見我睇得入神，一手搶走我既電話





「邊個係嘉琪？」Karen怒氣沖沖地問

「可能係其他公司既同事掛」我扮到無事咁解釋

「好啦，你唔好呃我」

我，選擇左講大話，或者只係無講真話，而佢，卻選擇相信我

男人，總是會找方法去證明自己想法係岩





女人，總是會找方法去令自己相信愛人係岩

番到公司，我單獨坐係房入面，望住檯面既電話

「你係？」我whatsapp回覆著佢

「我係嘉琪，你唔記得我啦？不過都唔怪得你既，始終，我同你唔係同一個世界既人」

咩唔係同一個世界？我完全唔理解佢講緊咩





我亦都當依個嘉琪只係痴線婆就算，無再回覆

放左工，我約左James佢去地去呀Wing老豆間酒吧飲酒

但我因為手頭上要做既野實在太多，咁我就叫佢地去先，咁當然，我都叫Karen唔洗留低等我

做到七七八八，咁我就準備執野啦，依個時候，電話whatsapp又響

「你唔理人架，你知唔知我幾辛苦先搵到依個世界既你呀」嘉琪說

「其實我真係唔識你，我唔知你講咩唔同世界既人」

「咁又係既，你又未見過我，亦都唔會有機會見我」嘉琪說

嗯？咩唔會有機會見，其實依家科技咁發達，即使唔使搭飛機，用視象一樣可以同其他國家既人通話架啦





「咩唔會無機會見」我問嘉琪

「點解你講極都唔明架，蠢到死」

屌，你唔解釋又話人唔明，玩我咩你

「咁你肯解釋未？」我講

「你聽清楚啦」