再一次愛上沒有放下的舊情人: 二十九

「自從你同我講分手，我每一日都等緊你同番我一齊，我以為過一段日子之後，你會諗清楚

但係，你始終無追番我，後黎，我屋企人帶我去相親，識左個個男人

佢對我好好，任何物質生活都比到我，又成日陪我，個陣我真係好開心

「但係係我心入面，我始終都係忘記唔到你，你既位置從來無可取替，佢亦都開解我

佢知道我個心仲有你，佢都無介意過，反而更加錫我





佢仲不停諗方法安慰我，有咩難題都幫我手，去到後來，佢仲叫我主動搵番你

「而且佢知你係佢間公司做，仲安排我做你秘書，同升你職

佢知道你覺得我同佢有野，就叫我唔好搵咁多佢，唔好因為佢破壞我地關係

好老實我琴日真係好唔開心，我唔明點解你唔會番轉頭搵我，我一到行一喊

「我唔知點解你唔信我，可能你覺得我同佢上過床，比帽你戴，但我無





後尾我打比呀Wing，因為我唔知可以搵邊個傾

佢叫我去佢爸爸間酒吧坐，話一陣放左工先過黎搵我

後來就見到你同佢一齊黎，我真係好開心，但原來只係呀Wing叫你黎，你先搵我

你究竟當唔當我係你女朋友呀」

Karen一到講一到喊，佢講既說話句句都好似尖刀一樣直插我心





我一直都想做好自己，比幸福佢，偏偏每每令佢流淚

原來佢同我一齊係咁痛苦，係咁委屈，好多衝突，本應可以避免，但我令到情況更差

「我當，我緊係當」我堅定地說

佢見我眼神堅定，亦都無質疑我，只係一言不發咁攬著我

「蠢材，去沖個涼啦，一陣同你番工」我眼見時間尚早，叫佢沖個涼，順便化個妝

「知道」佢嘟起嘴，示意叫我錫佢一下，錫完就轉個身，行入廁所

我坐係梳化，想著以後要如何善待一下佢，然後慢慢地睡著了