再一次愛上沒有放下的舊情人: 二十六

一路上，我都無問呀Wing啲咩，只係跟住佢前往酒吧

去到門口，需要再行一段樓梯，一到行，眼前燈光開始變得昏暗

落到去，人數相對較多，而呀Wing非常熟悉環境，似乎經常落黎玩

我一直跟住佢，無幾耐就見到Karen

「呀Wing，Karen呀」捉住呀Wing說，並向著Karen方向指著





佢止了步，亦都向著我指既方向望

眼見Karen身邊被兩個男士圍住，面露淫笑，心中不禁憤怒

既是責怪Karen不懂小心，亦是責怪自己沒有好好保護佢

而佢亦都飲得幾醉，即使想反抗卻又無能為力

我上前試圖抱住Karen，但被那兩個男士阻止





「做咩呀你，咁撚光明正大抱走個靚女」其中一個男士笑著說

「死開啦仆街」另一個男士說

轉眼間，我地已經成為全場焦點

「打佢啦」開始有人叫囂，如果一對一既話，我都仲有小小勝算，但如果兩個人既話，確實只會比圍打

「咩事？」依個時候，有位中年男人過黎說，身邊仲有幾個手下跟隨





中年男人既出現，令到個兩位男士面有驚慌，一言不發

不過依樣都唔係最奇怪，最奇怪既係呀Wing講既野

「爸爸，佢地搞我朋友既女朋友呀」

咩話，點解佢有個開酒吧既老豆我唔知架，唔怪得佢成日都落去飲酒啦，都唔洗錢既

「誤會黎既姐，誤會黎既姐」兩個男士異口同聲地說，然後跑走

「好彩有你咋爸爸」呀Wing攬住中年男人既人手，撒嬌地說

相對剛才兇惡既表情，中年男人變得面露微笑，然後向我說

「你係我個女既朋友呀？入黎先講啦」





我抱住Karen入到一間房，房間既燈光相當光，總算係鬆了一口氣