再一次愛上沒有放下的舊情人: 十三

有時候，男人就係咁，人地對佢好小小，就會對人有好感

「喂...」呀Wing說，聽到把聲似醉非醉，應該又飲左唔小酒

「你又飲酒呀」我質問

「無...」

「你咪飲啦，好傷身架，你知你成日都唔舒服，又胃痛」





呀Wing黎左公司無耐，同普通上班族一樣，好想升職加薪，偏偏就做壞身體，加上佢又成日飲酒，搞到個胃傷曬

「...你唔好好似好了解我咁啦，你咩都唔知咩都唔明，你有女朋友就唔好搵我啦」呀Wing喊住講

「我只係想同你講，剛剛未同你講既答案，其實，如果我真係搵唔到Karen，我真係會選擇接受你」

「你可憐我呀？」

「...咁係你問我架嘛，咁我咪咁答你，一直Karen唔係我身邊，你都對我好好，係既，我真係有諗過忘記佢同你一齊，但我真係做唔到」





「得架啦，唔洗再講」呀Wing失望地說，然後就收線

唉，到低我做錯咩呢，其中!我又唔係對呀Wing好差姐，但作為一個男人，對住女朋友同女性朋友就緊係會有唔同架啦

我一到行一到諗，唔經唔覺已經番左屋企，屋企既燈依然開住，同屋外昏暗既燈光有好大對比，似乎係今朝趕住出門口個陣唔記得熄燈

雖然聽日都唔洗番工，但今日忙左大半日，跑黎跑去，都決定沖完涼，早啲上床休息

訓係床到，可能依兩日發生太多野，一時間都未適應到，久久不能入睡





諗番一生有兩個女人咁為自己，幾多人羨慕，有幾人想要一個異性陪住自己都無

諗到依到我又諗起呀Wing臨走個個微笑，係幾咁苦澀，就算任何人睇到，都唔會覺得佢係會心微笑

我總係覺得欠左佢咁，佢今日陪左我咁多，而我就一句唔該都無就走左。到低佢個心有幾難受，我真係想像唔到

「今日多謝你咁幫我，如果無你我都唔知點算」我Whatsapp對呀Wing說

「我都無幫到你啲咩」佢馬上回覆

「點都好，多謝你」我打完說決定唔再睇，慢慢入睡