我想追番我前度: Ch.No.3

「你走啦..我唔會落黎架」

但始於，她曾經也是我喜歡的人


「我唔會走，我見你唔到我唔會走！」

「無論點都好，你想分手都好，可唔可以比我見最後一次..」

呀怡續道







分手，一定是痛

如我是你，你都會一樣不忍心嗎？








昏黃的街燈下，眼見一個女仔不斷在哭，身體更不斷發抖
此刻，我竟然心很痛

「呀怡」

原來呀怡早已哭成淚人
眼睛已經變得紅腫了，手也不斷抖震


我從沒有看見她這個樣子




想不到，正正是我一手一腳造成



「你終於黎啦..唔好走呀..嗚」

呀怡上前把我抱得很緊





我輕輕把她推開






我知道自己很容易心軟
所以一定要狠一點


「唔好走啦…我唔可以無左你架
我仲鍾意你架，我想同你繼續落去架…嗚」


呀怡又再崩潰大哭




面對即將失去的事和人
我們都想盡力挽留





面對逝去的人，逝去的愛情
無論代價多大，我們都想盡力去挽回


成功與否，無人得知
但至少，不會令自己後悔



「我唔再鍾意你啦，我唔想照顧你啦
我好攰呀，日日嘈交，你話你Ｄ脾氣會改，但我睇唔到…
我哄你哄得好辛苦呀，每次都係我錯，你有冇諗過我
每次見完面都好唔開心．．咁點解仲要一齊」






我把所有的怨氣都發洩出來



「我會改架..我真係會呀」呀怡不斷搖著我的手


「你之前成日話想分手..咁依加真係分開，你唔係想咁咩..」


港女性格的她，曾經發脾氣就要求分手
但每次我都低聲下氣哄回她






其實無論點都好，分手兩字易出難收，唔好嘗試測試對方既底線
後果，不是每個人都能承受得起