毒撚響補習社夢遺: 1.04

1.04
 
終於抹左唔知幾耐，我地終於抹乾淨哂地下既白色液體。
 
「好累呀！終於抹完勒！」大波妹抖哂大氣咁講。
 
「係啦，點解可以有咁多架！」小綠唔應由自可，一應完之後又係一陣寂靜
 
…
……




………
…………..然後佢１日內第３次紅都面哂。
 
「好野，終於抹完勒！」肥敦抹乾淨左佢果邊，之後興奮大叫。
 
「多得一華，攪到我地咁累，不如以後你唔好叫做劉一華，改名做流精華啦，哈哈哈！」灰甲完全唔顧忌有女仔響度，照講埋哂呢d野。
 
「精華哥，因為你攪到我地３個充滿愛心既美女留低幫你手清潔班房，你打算點報答我地先？」串咀大波嘉欣打蛇隨棍上
 
「係囉係囉，至少都要帶我地去世貿打下機，再請我地食返餐啦！」小綠和議




 
「精華，作為你兄弟，我都覺得你地應該要報答下大家！」灰甲不懷好意咁講
 
「你地唔好咁啦，一華已經好慘架勒，上上下堂夢遺。」肥敦本來係想幫我解圍，但佢冇諗過佢咁樣講完後反而會令我更難堪。
 
「係啦，我地自願幫手架嘛。」肥果笑笑口咁講
 
「我唔理你呀，總言之下星期補完習一定要帶我地去世貿打機同埋請我地食野。就咁話啦，好夜勒，我要趕返屋企食晚飯，下星期見啦，一華！」小綠對住我一輪咁咁講。
 
小綠講完後，就同大波嘉欣、呀果一齊離開，只留下我、灰甲同肥敦留響班房。




 
我地見果３個女仔走左後，都離開補習社，各自回家了。
 
返屋企途中，我一直回顧緊今日發生既事：
 
1.     放學去補習
2.     因為平時坐開既最後排冇位,所以坐左響兩個唔識既女仔中間
3.     右手邊果個女仔叫小綠,佢上堂前請我飲咖啡
4.     我訓著左然後發左個好古怪既夢
5.     發緊夢途中我夢遺
6.     訓醒發現個補習周sir叫人逃亡
7.     全班走靜我、肥敦、灰甲、病態女小綠、大波妹嘉欣、可愛小肥妹呀果
8.     果3個明明唔識既女仔竟然留低一齊抹精
9.     抹精途中我地大家互相有初步認識(起碼叫做知左大家個名叫乜先)
10.   無啦啦比人屈左下星期要請人打機同食野




 
 
呢個星期過得好快，好彩學校唔係好多人知呢件事，所以就算肥敦同灰甲呢排係咁叫我「流精華」，d人都唔知道原因，我亦只係同佢地講因為我最近改左個新英文名叫做summary，所以亦順便改一改個花名黎襯返姐。
 
終於到星期５放學。
 
「邊有人英文名會叫summary架，係學校班毒撚先會信你。」去緊補習社途中灰甲笑緊我地間男校既學生咁易呃。
 
「其實我覺得呃佢地唔係咁好。」平時過馬路即使冇車都要等到綠公仔先肯過既肥敦回應。
 
「咁唔通我同佢地講因為我補習果時夢遺，所以先有呢個新花名咩！」我真係冇肥敦咁好氣。
 
「係wo精華，你條頸鏈響邊度買，幾靚呀！」灰甲指住我解左頸喉縷心口掛住既頸鏈
 
「我都唔記得勒，唔知係咪好細過時阿媽買比我既呢！」我其實真係對呢條頸鏈冇乜印象，亦唔記得自己係由幾時開始戴呢條頸鏈。




 
行下行下好快就到補習社。
 
上到去，發現同上次一樣，竟然又係得返果幾個空位，所以我地又坐返上星期既位。當然，我入場既時候不免會引起其他人小小恥笑既目光。
 
好在我有心裡準備，預左比人用奇異眼光望住，所以都冇乜野。
 
「好勒，一華佢地都黎埋，我地可以正式開始上堂勒！」肥肥地既補習周sir開咪準備講書。
 
雖然學習數學真係好悶，但好彩周sir講書都ok，所以我都幾鍾意上周sir既堂。
 
正如頭先所講，我而家坐緊既位係同上星期一樣既，所以我右手邊係小綠，左手邊係大波嘉欣。
 
「喂，一華，可唔可以幫我傳張紙仔比嘉欣？」小綠突然拍拍我賻頭叫我。
 




「好呀冇問題！」只係傳張紙仔姐，冇乜所謂。
 
不過睇真d原來張紙仔寫左段咁既野：
 
「嘉欣，我地不如幫一華哥數下佢有幾多個花名？」
 
我睇到呢d字後，今次到我紅都面哂。小綠見到我咁既樣，露出一副鬼計得逞既奸笑，佢應該為左睇我個尷尬樣而特登叫我傳紙仔。
 
如是者，我就做中間人幫小綠同嘉欣傳黎傳去
 
「流精華」
「夢遺華」
「發夢哥」
「劉夢遺」
「夢遺怪叔叔」




「變態夢遺佬」
…….