[Lesbian SM]愛上是她是她是她給我滿足快樂: 39

臨離開時，我緊緊的攬着Jenny, 親了她一下，幽幽的道：

｢攬埋呢下，又唔知要幾時先有得再好好咁攬實你。｣

Jenny沒有作聲，朝我苦笑，打開沖身間的門。

外面的燈光有點刺眼。

我和Jenny各自在吹風機下吹乾頭髮，剛才的事就像夢一場，沒有任何證據留下......



「啊！」

我看着鏡中的自己，驚呼一聲，淡紅色的記號醒目地烙印在我的頸子上！我嚇個半死，天曉得要是被媽媽發現會是甚麼光景。

「喂！死喇，你做咩搞到我條頸咁啊。」我氣急敗壞的問Jenny。Jenny似笑非笑的看了我眼，又再自顧自吹乾頭髮。我拿着BB Cream苦苦哀求Jenny替我將之涂在紅印上，Jenny先是不願意，但看見我急得幾乎哭出來，還是答應了。

Jenny用中指頭輕輕的將BB Cream抹在我的頸子，涂抹時有意無意的將頭靠近我的耳朵，｢我覺得用遮瑕膏可能好啲。｣她道，說話間還故意向我的耳洞內吹氣，把我弄得心癢癢，我嘟嘴，試圖吻她，她巧妙避開，道：｢有人望住啊。｣

無庸置疑，｢有人望住｣應是香港同性戀者不想親熱時的一大借口，而最重要是保證成功。



我希望有朝一日這藉口不再萬試萬靈。

回到家裡，吃過晚飯，繼續溫習。這時，Angie撥了個電話給我。｢韋海晴，你知唔知聽日高佬個Quiz出咩啊？我成個Weekend都掛住拍拖，仲未溫書啊。｣｢佢話咩都有機會出，不過我覺得全力溫戲曲啦，九成出戲曲。你星期一有Quiz, 又約咗Jenny打波，仲掛住拍拖？你真係有異性無人性！｣我沒好氣地說，Angie怎能連明天考甚麼都不知道。

「吓？我都無約過Jenny話今日去打波。」

_____________

Giovanna抱着我，坐在我睡房的椅子上，翻閱我的文學筆記。｢所以呢幾日你就係不斷喪讀戲曲啲Notes? ｣Giovanna若有所思地問。｢係啊。人人都話會出，連學校個mock都出咗。｣話音剛落，Giovanna隨即將我筆記裡關於戲曲的部份撕下來，道：｢信我，唔會考戲曲。｣我伸手想取回筆記，身高168cm的Giovanna將筆記舉得高高，瞪着我，厲聲道：｢想入山城讀書就聽我講！｣看見Giovanna這麼生氣，我也只好乖乖聽從她的吩咐。



「先秦上年出過詩經，即係今年會出楚辭啦，❬涉江❭走唔甩喇掛？」Giovanna用紅筆在❬涉江❭那頁打了個剔號，又道：｢AL成日出❬進學解❭，點少得呢個老朋友，｣說着，又在❬進學解❭那頁打剔號，｢仲有❬紅樓夢❭。另外，12DSE出過嘅都值得留意。｣看着Giovanna在我的筆記打記號，半信半疑，問：｢12DSE咁快就翻炒？同埋你覺得現當代會出咩？｣Giovanna拍了拍我的膊頭，思考了一會，道：｢叫你留意就留意啦。現當代應該出❬書❭。｣｢真嘅？｣我問。

｢做得我嘅女人就要相信我。｣

「好。」的確，Giovanna若不是信心滿滿絕不會如此誇下海口，我將所有戲曲的筆記都撕下來，扔到垃圾桶。Giovanna滿意的點點頭。

無論任何時候，作為一個M,我必須相信主人的決定準確無誤，這是我的本分。

四月十日午後，考畢中國文學，天空下着微雨，步出位於祥華邨的｢力場中學」，看見Giovanna撐着傘在校門等我。

「Giovanna, 你又知會落雨嘅？」我趕緊跑進Giovanna的懷抱，問。｢當你需要我嘅時候，我就會出現啊。｣Giovanna笑着答，用紙巾替我抹乾額上的雨水，又道：｢點啊？我貼得中唔中？｣｢中咗好多啊！點解你會知佢翻炒12DSE嘅？｣我實在無法理解為何Giovanna不替人補習中國文學，她提及過的篇章幾乎全中。｢女人嘅直覺。當我望見你溫習溫到愁眉不展，我就諗下到底今年會出咩，我唔容許我嘅女人過得唔開心。｣Giovanna淺笑着，一副不可一世的神情。

｢車！講到出硬嘅❬書❭咪一樣無出，今年出❬錯誤❭啊！｣Giovanna聞言，拍了我的屁股一下，說：｢如果真係中曬，我而家係ICAC嘆咖啡喇！｣說着，又打了我一下，道：｢你個衰妹，咁黑心想我坐監，我一定要好好懲罰你。｣我扯了扯Giovanna的衣袖，問：｢我果次叫你買果啲呢，你買咗未啊？｣

｢你真係唔貴唔揀，不過呢隻繩嘅紋理好靚，綁完之後留係你身上嘅繩痕一定好性感。｣說罷，Giovanna嘆了口氣，擺出一臉不在乎的表情，說：｢無辦法啦。只要係BB你鍾意嘅，我教多幾堂補習賺錢買黎同你玩又有咩所謂。｣



「我都係想你睇到覺得開心啫。」我說。不經不覺走到花都，我們步進米線餐廳。點好菜後，Giovanna趁侍應不為意，做口型跟我說｢I Love You. ｣

「你講咩話？我聽唔到喎。」我存心作弄她。

Giovanna沒有理睬我，我也只好將注意力放在中國文學班的WhatsApp Group, 和同學討論題目。

突然，Giovanna親了親我的臉頰，柔聲說：

｢I Love You. ｣

p.s.希望喜歡這故事的人能多多追稿和Like我的Facebook Page,你們的每一個支持都會使我出得更快。謝謝大家。
     Facebook Page: https://www.facebook.com/WaiHoiChing