[Lesbian SM]愛上是她是她是她給我滿足快樂: 60

=15px我呆望Juantia，腦袋一片空白。

「我唔係想怪你，只係連我問到你都唔肯講，我有的失望啫。 」Juantia說著，正色道：「我地係好朋友黎架，有咩就講出黎，唔好收埋自己一個人唔開心。」

我吞了一下口水，又望一望Juantia，欲言又止，良久才吐出一句「多謝」。

「Jenny點啊？我係指佢睇到幅相之後。」Jenny看到那幀照片之後一定傷心死了。

「佢本來想拎個書包去你屋企俾你嘅，佢睇到幅相之後咪叫我幫你保管住先，聽日補習果陣俾返你囉。」Juantia托著頭，喝了一口麵豉湯，又道：「咁點都有啲唔開心嘅。」

我垂下頭，沒有作聲。

「果個女仔係你女友？」Juantia指向電話螢幕中的Giovanna。

「前度。」我的淚水再次湧出來，滴到牛肉飯，感覺有點嘔心。

我把事情的原委告訴Juantia，當然有關性愛的部分就簡單帶過。

「明明你地仲鍾意大家，點解唔肯坦白承認？」Juantia問，未待我回答，又說：「人海茫茫，要遇到一個你鍾意佢，佢又鍾意妳嘅人，唔容易啊。」



「但你唔覺得佢今日係想玩我架咩？」Giovanna去了我學校找我，說是想見我，卻又告訴我自己已經另結新歡，這也算是愛我嗎？

「問我做咩？打電話問佢啊。」Juantia鼓勵我。

我連忙拿出電話，致電給Giovanna。

話筒傳來接駁的嘟嘟聲，我的心情七上八落，很是複雜。但當Giovanna接了電話之後，我就鼓起勇氣向她表明我的心意，雖然我真的很想她聽罷之後便哈哈大笑，然後告訴我其實她並沒有什麼新女友，只是試探我而已。

但事實是她真的有了新女友。



「你如果唔再鍾意我，點解你果晚又要喺我屋企樓下玩彈珠機？如果你唔鍾意我，點解你今日又要黎搵我？點解你迫到連我嘅童年回憶都要沾上你嘅身影？你知唔知我因為要見你，連Last Day都唔記得同我嘅最好同學影相留念啊？」我連珠炮似的向她問道，淚水有如黃河缺堤一般從眼眶裡湧出來，一時間連附近桌子食客的目光都被我的哭聲吸引過來。

「你喺邊啊？我過黎搵你。」Giovanna說。

「我喺邊關你......」我說著，看見Juantia向我搖頭，示意我不要再鬧，我只好乖乖說出自己身處的地方。

在等待Giovanna的過程中，我一邊擔心Giovanna只是隨便找個藉口掛電話，根本沒打過來找我，另一邊又擔心她會帶著新女友過來，我連僅餘的食欲都失去了，喉頭乾乾的，難以吞嚥。

未幾，Giovanna便來到了，Juantia自然借辭離開，我和Giovanna相對無言。

「佢呢？」我無法忍受這種繃緊的氣氛，只好先打開話匣子。

「返咗屋企。」Giovanna幽幽的說，就像個做了錯事的孩子一般。

「用咩藉口叫佢返屋企？」Giovanna的弱勢助長了我的氣焰。



「我話我女朋友搵我。」Giovanna雙手合十，深呼吸了一下，又道：「我好掛住你，但係你又話要同我分手，我一時唔知點算先會咁做，我同佢只係朋友。」

「邊個信？」我冷冷的說，語氣和我臉上掛著的兩行眼淚完全不搭調。

「你講到明要做『正常人』，難道我可以唔放手嗎？唔通要我等到你派喜帖俾我果日先放手？」Giovanna用近乎乞求的語氣說。

Giovanna怪可憐的樣子令我開始反思自己的問題，或許我真的做錯了。

「我地仲有無得返轉頭？」不論結果如何，這夜我只想知道答案。  p.s.希望喜歡這故事的人能多多追稿和Like我的Facebook Page,你們的每一個支持都會使我出得更快。謝謝大家。     Facebook Page: https://www.facebook.com/WaiHoiChing