唔係掛，我竟然去左2025年！？: 第十一話

「喂，做咩岩岩自己早走左呀？」啊璇從旁說道 

「唉...有野煩姐...而且我唔想晒時間做埋D無聊電台...」 

「你唔開心？唔怪得你份人好似古古怪怪咁啦...唔介意可以同我講喎」 

「你幫我唔到嫁啦...唔通我話自己係2015年穿越時空黎到2025你都會信咩...」 

「信嫁！你講我就信！」啊璇笑口盈盈的道 





「下？你真係信我！？」 

「信...信住先啦！啊豪你真係古古怪怪，你估拍電視劇咩～」 

「唉，唔信我就算」 

　　上堂時候跟啊璇談了一會後便睡著了，但每隔數十分鐘就會有一兩個大陸人（十年後的本地人）拍醒我，說什麼上課要保持專心，不然就浪費國家的教育和裁培了。唉，小朋友，想當年傑少考第二次DSE的時候，你還是個小屁孩。放學拿個啊璇的電話，道別過後便獨自走到籃球場後面的鐵皮屋去。等待啊焯下班的時間，我就擅自借用他的電腦搜集資料。尋找近十年資料的時候，竟然看到一些有趣的資料 

「廣州省香港市（前：香港特別行政區）梁震英於2015年被判煽動顛覆國家政權罪、間諜罪，於2016年被判死刑」 





「唔？佢係間諜？唔撚係掛？...」我喃喃自語的道

「廣州省香港市（前：香港特別行政區）梁震英於2015年被判煽動顛覆國家政權罪、間諜罪，於2016年被判死刑」 

「唔？佢係間諜？唔撚係掛？...」我喃喃自語的道 

「通緝：廣州省香港市（前：香港特別行政區）王知風於2015年被判分裂國家罪、顛覆國家政權罪和間諜罪。現已逃亡美國。」 

「喂！啊傑！我係電腦室影左一大堆資料比你！呢到有十年間既香港事件，夠你慢慢睇嫁啦！」啊焯突然開門說道 





「唔？唔該晒你呀！！屌！好撚感動！」我離開電腦座位接過資料說道 

「傻啦，我依加得你一個好朋友，就算你要求咩我都會幫你嫁啦」 

「嗯...！點解我以前罵你無撚用...Sorry...咁我有野再搵你幫手！」 

「當然得啦，你應該無電話用嫁啦，用住我呢部唉瘋十六先啦」他把電話交給我說 

　　這幾天是星期六日的假期，放假能夠讓我好好看一次近十年的香港事件和新聞。但香港報章中只報導過2015年6月4日的事，這日後的新聞就回復正常，用字也變得愈來愈保守。我想，這是中共接管香港後逐漸呃殺香港僅有新聞自由吧。如果真的像我這樣推測，看來所有報章和新聞片段都不能幫助我了解當年所發生的事。到底那個死亡名單上的羅子傑，是否就是鏡中眼前的自己呢？這幾天想得頭腦也閉塞了，幸好早前取得啊璇的電話，於是便拿起唉瘋十六以短訊聯絡啊璇。 

「什麼？現在出來夜宵？怎可能！」

　　啊璇很快就回覆我第一個訊息，傾談不到十句後，我便提出跟她外出食宵夜去。雖然她是香港人，但不知是否身邊的朋友全是中國人，所以在短訊溝通時打的字眼全都是書面語。 

「出啦，我拎焯叔張通行證，你拎你爺爺果張」 





「別玩了，只要公安上來檢查就完蛋了」 

「得啦，掛張證係條頸到咪得囉。你張野收埋左就黎檢查你姐，但我地掛係頸到應該唔會引人懷疑」 

「那...好吧...我們在那裡等？」 

「圖書館樓下大堂啦，一個鐘後見！」 

　　準備離開學校範圍的時候，啊焯千叮萬囑吩咐我，看到坐滿解放軍的車在馬路的時候千萬不要做一些引人注意的動作和發出不必要的聲音等。當啊焯把這些規則告訴我的時候，我第一時間想起以前看的葉問，甄子丹在街上向坐滿日本士兵的車鞠躬的畫面。原來在2025年的香港，上過夜街也要這麼麻煩。到達約定的地點等待一會後，啊璇便從一暗角處左顧右盼的跑出，她這舉動令我重拾穿越時空前的笑容，老實說，這個女孩還是有趣。 

「喂啊豪，我地依加去邊呀，快Ｄ諗啦！」啊璇躲在我身後說道 

「唔洗咁驚喎，我都唔驚啦。你自信Ｄ就唔會有龜查你身份證，定喎」 





「龜？咩野係龜？」 

「ER...龜...姐係你地依加既公安大哥，我地快Ｄ去搵地方食野啦！」