唔係掛，我竟然去左2025年！？: 第八話

「Shit...呢間咪我兩年前畢業前既學校...」 

「廣州市香港區大埔第一中學.....oh my god....」我跪在地上說道 

「喂，啊豪你做咩啊，起身先啦！」啊璇說道 

「啊璇！帶我入去見校長，快！！」我叫道 

　　啊璇帶我到詢問處作個簡單的登記後，不消數分鐘就能接見啊璇的班主任黃老師。聽啊璇說，這個老師是她的班主任外，更是校長私下的好朋友，所以啊璇知道我要約見校長就帶我先跟他見面，就先帶我跟黃老師傾談一會。坐在會議室十多秒左右，門後就有一位白頭髮，領著書本的禿頭老人進入。如果啊璇不是先稱呼他，我以為他是新任校長。 





「黃主任！你好！」啊璇叫道 

「你好！這位是....」黃老師操普通話指著我問道 

「hi，黃老師，我叫啊豪...我想問貴校....」 

「什麼？我先有事忙，先走了！」 

　　這次我與黃老師見面不足十秒，他就匆匆忙忙的離開班房了。聽啊璇說，在學校內一定要稱老師為高一級的稱呼，老師就叫作主任，主任就叫做副校長，副校長就叫做校長。傻的嗎，為什麼2025年的所有事情都是古古怪怪的。算了，我還是走到校務處向有學識的人打聽一下任教過我的老師。幸好這人是香港人，不致於會雞同鴨講。 





「陳文老師？七年前無做啦」 

「miss ng ？佢一早無教啦喎」 

「miss趙？sorry呀！我黎左幾年都未聽過佢大名！」 

「,,,,,任副校呢？你應該識掛！？」我道出最後一個相熟老師的名字 

「好出名果個任女副校？我當然識啦！先生你想搵佢？」 





「你識！？係呀我想搵佢...Thanks god...！」 

「任女副校係2016年就比中國教育部邀請左去西安到教書啦！當年佢同數十位教授仲有幸比解放軍護送返內地！好多份報紙都有講佢有幾風光同為中國貧苦學生服務，我點會唔識姐！」 

「唔是掛....」 

　　中國教育部？西安教書？以我認識任副校的為人，她是祟尚西方文化和回鄉證都沒有的人，她又怎會願意到中國教書去。而且當年更有解放軍護送，看來這又隱藏了不可告人的秘密。2025年的世界對我來說，就像是一另一個平行時空。為左搵方法返2015同搵返以前識既朋友...睇黎依加只有一個辦法... 

「算啦，你幫我搞入學手續，我決定今日入學」