超靈視雜誌社: 四章－真性異言靈（１０）
月黑風高的晚上，我和紡瑩找到了一個在地圖上不存在的村落；眼前也是一位消失了很久的少女，而在她旁邊亦慢慢聚集了很多人把我和紡瑩包圍起來。
「係人類！你地黎呢度做咩！」人群裡其中一個男人用手槍指著我大叫。
「等陣，呢個係我朋友！」弦玥說。
「係妳既朋友同我地冇關係。所有人類都唔可以放過！」
「我都係你地口中所講既人類呀。佢地黎一定係有咩原因，問清楚先至決定點樣處置都未遲。」
「呢度幾時輪到妳話事啊！」
「亦都唔係你可以話到事，呢兩個人應該交俾莫先生處理。」
「嘖！」男人雖然有點不服氣，還是無奈地放低了手槍。
看見弦玥和旁邊的人爭論，看起來她們既是同伴關係，又是敵對的感覺。我以為弦玥應該是被幽靈人禁錮著的，但事實看起來比想像中複雜。
「哦，仲以為有咩人入黎，原來只係兩個細路。」一位和藍莫社長一模一樣的男人走了出來，旁邊的人都恭敬地稱呼他做莫先生。
「你地果然係……幽靈人？」我問他們。
「幽靈人？你見過 Sampo？」弦玥大驚，「只有 Sampo 先會咁樣稱呼呢度既人。」
其他人聽到 Sampo 之後，紛紛要求把我們處死：
「呢兩個果然係 Sampo 派黎既！一定唔可以放過佢地！」
「翔哥，你同 Sampo 有咩關係？」弦玥試圖讓我們解釋。看來我之後說的每一句話都要很小心，稍有差錯就會連累了紡瑩。
「幽靈人……呢個係有一班黑衣人講俾我知，我唔清楚黑衣人係唔係你地講既 Sampo。但無論如何，我黎呢度唔係想對大家做啲咩，我黎只係想搵藍弦玥。」我繼續說：「黑衣人幫我打左支針，如果三日內搵唔到弦玥，藥物就會發作殺死我既靈魂。」
莫先生聽到這裡，終於插口對弦玥說：「佢所講既黑衣人組織應該就係 Sampo。而 Sampo 要搵妳既目的只有一個，就係要攞返俾妳偷走左既量子電腦。藍弦玥，妳真係唔知量子電腦而家既下落？」
弦玥很冷靜地回答：「我已經講過好多次，係我偷走左之後已經將電腦丟左落海，冇人可以再搵得返。」
莫先生十分懷疑：「以妳既性格冇理由會就咁將量子電腦放手，不過既然妳而家唔肯講我都唔迫妳。」
看來那個叫做 Sampo 的組織、還有幽靈人，他們都在尋找被弦玥偷走了的量子電腦，但又不知道原來他們要找的東西一直都在我手上。的確要小心說話，說漏了口可能連弦玥都會有危險。
「你地兩個叫咩名？」莫先生問道。
「樂介翔。」「談紡瑩。」
「樂介翔，你同 Sampo 係點樣開始扯上關係？」莫先生開始了盤問。
「因為我係做有關邊緣科學既雜誌……所以無意中接觸到黑衣人佢地。」
「你同幽靈人有咩關係？點解 Sampo 要講有關幽靈人既事俾你知？」
「其實有關幽靈人既事，第一次係係雜誌社社長度聽返黎……我地社長係藍莫。之後我誤會黑衣人佢地係幽靈人，所以佢地先同我講有關幽靈人既事。」
莫先生聽到藍莫這名字，臉上的表情立即變得險惡。他繼續問：
「咁點解 Sampo 會叫你黎搵藍弦玥？」
「……可能因為我同藍弦玥係大學同學。」
「你點搵到呢度？」
「我有朋友曾經係呢度失蹤，幫佢催眠之後佢話見到藍弦玥，於是我地就跟蹤住附近一部白色貨 van 黎到呢度。」
「Sampo 知道藍弦玥係我地手上？」
「我冇話俾佢地知藍弦玥係邊……其實我都唔肯定搵唔搵得到藍弦玥。」
「但係 Sampo 就同你打左針，要求你三日之內要搵到藍弦玥。」莫先生想了一想，「Sampo 一向行蹤飄忽，如果俾你搵到藍弦玥，你有方法接觸到佢地？」
「我曾經被捉到去佢地其中一個據點。佢地話只要我帶藍弦玥返去嗰度，就會有人黎接我。」
莫先生心裡面好像在盤算著什麼，他說：「Sampo 對你下藥，迫使你幫佢地做事。其實我地都可以俾到解藥你，咁既話你就可以背叛 Sampo 幫我地手。反正藍弦玥唔肯講出量子電腦既下落，我地都冇義務再保護佢，係時候要放走藍弦玥。」
接著莫先生對弦玥說：「妳跟樂介翔去搵 Sampo，我地兩幫人係時候做一個了斷。」
當其他幽靈人聽到莫先生要和 Sampo 決戰後，都顯得十分亢奮。看起來我已經沒有選擇的餘地，只好答應幫他們找出 Sampo 的行蹤。至於弦玥，看來她亦只能聽從莫先生的指令行動。
莫先生說：「我地會派人監視住你，就連 Sampo 佢地都唔會發現到。因為我地係『幽靈』呀。」
我問：「所以只要我答應帶藍弦玥搵 Sampo，你地就會而家俾解藥我？」
「冇錯，不過我仲有一個條件。」莫先生望向紡瑩，「就係你帶藍弦玥搵 Sampo 期間，我要呢個女仔留係度做人質。」
「點可以──」「我冇問題。」
紡瑩打斷了我的話：「就俾我做人質，等你同藍弦玥一齊搵完 Sampo 之後再黎接我啦。」
「但係點可以要妳為我地冒險？」
「已經冇其他方法，呢個係最好既選擇。」紡瑩微笑著說：「我唔會有事，我會等阿翔你返黎接我，我相信你。」
我明白了──我接受莫先生的要求換取解藥。
在場的幽靈人紛紛高舉武器，誓要在明天直搗 Sampo 的據點，一瞬間原本幽靜的村落變得熱哄哄。
「樂介翔你跟我黎，我帶你去攞解藥。」莫先生說：「另外搵人招呼談小姐去客房休息，就算係人質我地都唔可以待薄。」
「阿翔，BYEBYE。」紡瑩向我作說再見的手勢，然後跟隨其他幽靈人離開了。
「翔哥，我會幫你睇住你朋友，唔駛擔心。今晚好好休息一下。」弦玥小聲告訴我。
「嗯，拜託妳。」
說畢，我和莫先生一同走進村內一間十分殘舊的石屋裡。莫先生吩咐下屬替我打解藥的針，再帶我去了其中一間睡房休息，準備明天的計劃。
不過今晚看起來不容易入睡呢──我坐在空洞的房間裡，仰望著星空，心裡面這樣想著。