超靈視雜誌社: 間幕－實驗
會議室內，一位年輕女性正在向她的上司匯報工作。
「我既報告到此為止，有冇問題想問？」
「冇問題，妳做得好好。」男人回答說：「不過我仲想知道樂介翔而家點？」
「關於樂介翔既實驗，暫時黎講進度算唔錯。而且經歷過尋晚既事，我諗佢已經返唔到轉頭。佢遲早會記得返晒所有野。」
「不過妳要記住，我地剩返既時間已經越黎越少。如果佢唔能夠自己覺醒，就要用其他方法強迫佢覺醒。」
「……逆行催眠？咁樣做太危險，可能會殺死『樂介翔』呢個人。」
「我既意思呢個係最後手段。可以既話我都想佢自己記得返以前既野。樂介翔係我地既希望，如果佢唔能夠覺醒，單靠仿製品未必可以同嗰班人對抗。」
「我明白。我會試下由佢細個既時候入手。」
「總之樂介翔既事就拜託妳，唔好令我失望。」
「一切就放心交俾我做。因為教導後輩係大姐姐既責任黎架嘛。」