條女話我淨係識同佢扑野 , 要同我分手: 玖拾壹

我看著那雜誌上那女模，果真與丹丹有七、八分相像，
 
只是都較我認識她是漂亮得多，當真是女大十八變，也難怪我一時沒有認出來。
 
與丹丹不見已有兩年餘，臨別時她的病情已頗有起色，
 
只是沒想過她竟會當起模特來，
 
其實也難怪啊，丹丹本就是個美人胚子，只是自殺後精州有點失常而已，
 


若她把心病治過，再稍稍打扮，當真會成了個國色天香的美女，
 
現在瞧她在雜誌上的神態，那種自信、那種風采、那種高潔的氣質，
 
屋內的四女也登時給比下去了。
 
看見丹丹也經已從過新生，闖出一番事業，成了當時得令的女模，
 
而我自己卻依舊一事無成，沒有半點成就，
 


想著想著，自慚之意不禁油然而生。
 
丹丹把她的「賢仔」放下，從新出發，
 
可我呢？
 
我當真也可以不去念記著我的Khloe嗎？
 
或許時間可以沖淡一切，但此刻我還是說到做不到的多，
 


也不過是怕小橋她們擔心，口裡才說得豁達，
 
當真要放下一個人，又是談何容易的事？
 
「嘩，你見人靚女就望到實，飯都唔洗食啦。」小橋笑道。
 
「唔係啊，我同Meimei識佢架，」當下我便將丹丹的故事跟她們都說了一遍，
 
她們聽到丹丹如何為情自盡，後來如何痴痴呆呆，也無不嘆息，
 
但見她現在展開了新生活，也替她歡喜。
 
「你有時又幾好心喎，」小橋說笑道，「不過計我話啊，你肯定係見人靚女，
 
色心起先咁幫人啦，」小橋這麼一說，惹得屋內滿堂大笑，一時好不歡樂。


 
「關咩事姐 …… ？」我解釋。
 
其實小橋說得不錯，我當初的確是瞧丹丹貌美，才會結識了她，
 
只是後來知道她的身世後，若還起得了淫心，我也真枉自為人了。
 
「我係真係見佢好慘先幫佢架 …… 」我說道，「不過講開又講啊，
 
我都好耐無見過佢啦，如果可以再同佢同埋龍婆見下面就好。」
 
「你就想啦，」小橋笑道，「人地做左名人，邊得閒理你先得喎。」
 
「咁又係啊，好多人都話共患難易，共富貴難啊，你再搵佢，
 


佢可能唔認你都唔出奇啊，」巧兒說道。
 
「唔會既，丹丹唔會咁既 …… 」我答，其實心裡也無十足把握，
 
也不知丹丹是否仍如當衫般純真無邪，「我又唔係要同佢共富貴，要分身家，
 
不過係聚下舊姐 …… 」
 
「唔係架，巧兒都講得岩架，名利真係會令人改變，
 
何況娛樂圈仲要係一個大染缸呢。」小橋說道。
 
「你地唔洗爭啦，試下就知啦，」Meimei笑道，「你地睇下呢度，
 
佢下個月會有個公開活動，我地去睇下咪知道囉，係咪？


 
到時你就可以見到佢啦。」
 
「嗯，就咁決定啦，我地一齊去，到時你就知我睇人準啦。
 
我肯定丹丹一定唔會變到咁現實。」我滿懷信心地說。
 
如此我們這一晚都在談論著丹丹的事，小橋和巧兒總說丹丹不會如先前般待我，
 
Meimei和大橋卻站在我的一方。
 
說著說著也真教我有點期待，想這一個月快點過去，可以早點與丹丹重逢。