條女話我淨係識同佢扑野 , 要同我分手: 捌拾貳

我聽巧兒還了Khloe一個清白，心裡大喜，也就懶得理小橋在鬧甚麼性子。
 
既把真相辨明，我們替巧兒打點過留院的事務後，也就離去。
 
「其實巧兒本質都唔係壞，不過係由細到大都遇唔到個鍚佢既人。」
 
離開後Meimei慨嘆道，
 
似是覺得巧兒跟她同樣有不幸的童年，又想起自己的身世來。。
 


「係囉，人地又邊似你搵到個咁鍚你既人丫？」我聽著只留意她話的尾段，
 
覺得她又想起馬臣來，心裡不禁醋意大起。
 
「你話我？」Meimei聽著一頭無緒。
 
「我點知你咁多，你問自己先知啦。」我啐了一口。
 
小橋瞧出勢色不對，連忙幫口。
 


「喂喂，你地做咩又耍花槍姐？」她說。
 
「邊個咁得閒同佢耍花槍。」我別過頭去，也不正眼看她們。
 
「係囉，都唔知佢今晚做咩，」Meimei笑道，「奇奇怪怪咁。」
 
「好心你男仔之家就唔好咁婆婆媽媽啦，」小橋笑道，「有咩你就直接講出黎啦。」
 
我見小橋和Meimei竟爾聯合起來對抗我，不禁心中有氣，
 便道：


 
「你同個馬臣做咩黎啊？」
 
那知此話一出，Meimei和小橋對望了一眼，都噗哧一聲笑了出來。
 
 
 
Meimei和小橋相視而笑，看得我都糊塗了。
 
「有人呷醋喎原來，」小橋笑道。
 
「你幾時咁小器架 …… ？」Meimei嬌聲地說，
 
一邊拖起我的手，與我十指緊扣地走著。
 


「佢切左之後個人都女人埋啦 …… 」小橋笑道，一邊在我褲子上捏了一下。
 
我被她們二女一唱一和的，說得我心裡說不出的受用，
 
但想到Meimei跟了馬臣回家，心裡又著實不快。
 
「唔係啊，」我對著Meimei也不敢厲聲說話，「我頭先撞到你地，
 
見你地係酒店出黎，佢又攬住你條腰，跟住你仲跟左佢返屋企 …… 」
 
我說著已經心灰得把頭垂下，「仲有啊，你呢排成日夜返，
 
我驚你其實每晚都係去左陪佢 …… 我驚你比佢 …… 搞 …… 」
 
小橋聽我說見他們從酒店步出，已嚇得臉色鐵青，怕Meimei當真與馬臣有勾搭，


 
而當我說到Meimei每晚夜歸時，小橋的臉色則更是不妥。
 
可Meimei卻始終微笑著，臉色平和。
 
「你諗多左啦鹹濕仔 …… 淨係識諗個D野，」Meimei笑道。
 
小橋聽Meimei這麼一說，頓時鬆了口氣，似是已猜到內情，
 
而我卻聽得不明所以。
 
「巧兒有左，佢係婦科醫生，我咪得閒向佢請教下囉，
 
我同佢去酒店係同佢食飯，唔係你諗D衰野啊，
 


佢攬住我係因為佢紳士姐，我去佢屋企，係想問佢借D育兒既書睇下，」
 
Meimei說著從手袋裡拿出數本書來，果真是育嬰指南，「咁巧兒個仔，
 
我初頭以為係你既，就算唔係我同你 …… 」Meimei說到此處兩頰一紅，
 
「 …… 生，我都會當係自己既咁鍚，我聽到你地話巧兒出左事，
 
我先帶埋佢黎，睇下有冇野幫到，不過而家既然搞清楚，同埋個BB都無左，
 
我以後都唔會再搵佢啦，好未啊腎先生？」Meimei笑道，
 
說著向大橋偷瞧了一眼，似是笑她常稱呼我作腎先生。
 
我聽Meimei解釋後，細想一下果真是自己多心，


 
竟又想到那些色情的細節去，才會擺出這麼一個大烏龍。
 
但知道她與馬臣清白，不禁心裡釋然，
 
又想起Khloe跟Kelvin的事也不過是巧兒捏造，
 
兩個好消息雙喜臨門，就夠我歡喜好一陣子了。