條女話我淨係識同佢扑野 , 要同我分手: 柒拾玖

我聽著巧兒的自白，不禁想起那夜在地鐵站與她初見，
 
及後來她的頑皮跳脫，只是我又那想得到她的笑臉背後，
 
竟藏著這麼一段辛酸的往事？也難怪之後聽她與阿楓在茶餐廳中的對話，
 
竟爾暗暗對我訂情，原來也是為此。
 
想到此處，對巧兒的怒氣，登時消了大半。
 


「但係就算係咁，你都唔應該呃腎仔啊 …… 」小橋說道。
 
巧兒沒有理她，只是繼續她的自白：
 
「我蠢到以為只要比左你，你就會可以好好對我 ……
 
但係原來根本唔係咁，
 
我為左你，我撮合左Khloe同阿楓，
 


連一直唯一對自己好既人都讓比第二個女人，
 
為既就係想你忘記佢，點知你根本唔會 ……
 
就算你會，你個心始終都係無我，
 
呢兩個月黎，我住係你地度，你有冇好好望過我一眼啊？
 
我只係寄居係度既一個閒人咋，就算你一路當個仔係你既，
 


你對我都係咁啊，你知唔知我每日都好唔開心啊 ……
 
但係我得返你一個咋 …… 」
 
我聽巧兒這麼一說，想起這些日子以來，
 
確是對她不理不睬，不禁心中有愧，只覺自己都辜負了她。
 
「唔係咁架，如果你真係愛一個人，你唔係要得到佢，
 
你應該係要為佢付出，而唔係背後搞咁多手段，咁多小動作啊。」小橋說道，
 
但見小橋說著眉頭輕皺，似乎是有點自憐之感。
 
巧兒一直也把小橋無視，此時終於忍不住要反駁：


 
「如果係既話，咁點解咁耐以黎，都無一個人為我付出啊？
 
點解無一個人真心對我好啊？我以為阿楓佢真係愛我，
 
但係當佢睇到我地段片之後，佢就嬲左我，完全唔再理我。
 
乜真係有真愛咩？真愛用咩黎衡量啊？會有人真係無條件對你好？
 
有，可能童話故事咪有囉。
 
「但係後來我諗通左，既然佢鍾意我個身，
 
咁佢至少都係鍾意我啊，至少我都有一樣野係討人喜歡啊，
 


只要我都肯比佢，佢就唔會嬲我啦，會同返我做朋友啦，
 
結果真係咁，只要我肯擘大對腳，佢就會對我好啦，
 
男人個個都係咁，就係除左你 …… 除左你 …… 但係偏偏我淨係鍾意你 …… 」
 
「唔係咁架 …… 」小橋對巧兒不禁由憐生愛，
 
伸手撫著她的頭髮，「你唔識自愛，無人會好好愛你 ……
 
唔好再咁傻啦 …… 唔值得架 …… 」小橋輕聲細語地安慰著。