條女話我淨係識同佢扑野 , 要同我分手: 柒拾陸

到得巧兒的病房，見大橋仍是從旁照顧，我看著心裡感激。
 
有時我想，大橋的體貼敦厚，又與小橋來得不同，
 
她們二人雖是兩姊妹，可性格差得遠遠，卻又偏偏各擅勝場。
 
不過我與小橋較合得來就是，而大橋麼，她雖然愛哭軟弱，
 
可她的話不多，我對她終是敬重多點。
 


既知巧兒與小橋有隙，我又不願與馬臣多聚頭，
 
便乾脆與小橋留在外邊，由Meimei與馬臣跟巧兒作伴。
 
但我心裡還是想向大橋問清楚個究竟，便把大橋也叫了出來。
 
大橋往常已是一個冒失鬼，今天更是心事重重，神不守舍的。
 
「你叫家姐出黎做咩啊？」小橋低聲問道。
 


「你唔覺佢有D唔妥架咩？」我答道。
 
「佢不嬲都係蠢下蠢下架啦，不過家姐對人好就成日，」
 
小橋笑道，「就算佢同我一樣唔鍾意巧兒，都唔會對佢點。」
 
大橋把巧兒的物品打點過，便也走了出來。
 
「做 ….. 做咩丫 …… ？」大橋柔聲問道。
 


我見她說話如此顫抖，心裡又肯定了幾分。
 
「你 …… 」我也想不到如何盤問才好，一個不慎可能把大橋弄哭。
 
那知小橋卻毫不保留，直截了當地說：
 
「佢話你有D野瞞住我地喎，不過我知你唔會，
 
我家姐唔講大話呃人，有咩都會同我講。」
 
小橋說著伸手摟過大橋的腰，與她親近親近。
 
那知小橋如此反其道而行，說大橋沒有秘密，反而把大橋弄得心虛，
 
「唔係丫 …… 我真係有D野瞞住你地 …… 不過 …… 我唔講得架 …… 」


 
大橋說道，一臉憂心的樣子。
 
原來小橋與大橋相處日久，早知道大橋的脾性，故以此方法相問。
 
「你講啦，唔怕啦，最多我地唔講出去。」小橋說道。
 
「但係 …… 件事好嚴重，講左你地唔知會點 …… 」大橋說。
 
「咁你講出黎比我聽，我同你分析下嚴唔嚴重，你再決定講唔講啦，好冇？」
 
小橋說，此番話完全是歪理，若大橋要讓我們分析，
 
自然要和盤托出，那又再有甚麼決定要不要講？
 


但大橋生性純樸，當然沒有想到此處。
 
「嗯，咁我講比你地聽，一齊分析下啦，」大橋笑道，
 
剛才的煩惱一掃而空，「頭先我 …… 」
 
 
 
我和小橋都屏息以待大橋接下來要說的秘密。
 
「唔係喎 …… 如果我講左出黎 …… 總之 …… 咦 ……
 
唔得架 …… 我唔講得架 …… 」大橋突然察覺小橋的陷阱，
 
又不肯跟我們說出當中的內情。


 
「唔係啊，我地幫你分析咋 …… 」小橋忙道，
 
但小橋這麼一說，把大橋逼得都哭了出來。
 
「我真係唔講得架 …… 」大橋哭著說。
 
「我地唔係話你啊，」小橋解釋道，一邊撫著大橋的手安慰。
 
我見大橋始終要保守那秘密，若然再苦苦相逼，也只會令她不好受，
 
她既然一片苦心，怕我們得知真相，我們何不順了她呢？
 
「好啦好啦 …… 」我伸手替大橋擦擦淚，「大橋姐姐，我知你人好，
 


心地好，怕我地會鬧交，你唔想講既話，唔講就係啦，我地唔逼你啦，
 
你笑返啦 …… 」說著又再大橋的臉頰上輕輕捏了一下，跟她玩笑。
 
小橋見我竟要放棄巧兒的秘密，也是呆住了，
 
似乎心有不甘，仍想要置巧兒於死地，
 
但她見我對大橋如此疼愛，不禁又流露感激之意，便點了點頭。
 
「嗯，唔洗講啦，無事啦家姐 …… 」小橋也認同了我的決定。
 
「但係 …… 唔得架 ……」大橋仍是憂心忡忡，「死啦 …… 我都唔知點算 ……
 
如果我講左 …… 你地實會鬧晒交 ……
 
但係如果我唔講 …… 腎先生會做左人地便宜爸爸架 …… 點算好啊 …… 啊！」
 
大橋說到此處才驚覺自己已不小心把秘密托出，「唔係啊 …… 我無心講架 …… 」
 
大橋連忙低頭說不，急得都慌了，又大哭起來。
 
我和小橋面面相覷，聽著也是一驚，也無閒情再去安慰大橋，
 
心中只是想著一個問題：甚麼？！我竟當了便宜爸爸？