條女話我淨係識同佢扑野 , 要同我分手: 柒拾肆

我推著小橋到了巧兒的病房，見巧兒沉沉睡著，
 
而大橋則從旁細心侍候，對她照顧有加。
 
「你黎左啦 …… 」大橋見我到來，大喜過望，不禁驚呼了一聲。
 
「嗯。」我點了點頭，也不敢多說，免得驚動巧兒。
 
那知大橋剛才無心的一聲，巧兒已然察覺，只見她揉揉眼睛，便醒轉過來。
 


巧兒醒來見我到來，自是歡喜，
 
可待她發覺小橋也跟來，便見她臉色一沉，似要發作。
 
「你仲黎做咩啊？」巧兒對小橋道，語氣中充滿敵意。
 
「我 …… 」小橋心裡內疚，只好黯然垂頭，「我真係無心架 …… 對唔住啊 …… 」
 
「我唔想聽解釋啊，」巧兒罵道，「係你搞到個仔無左架！」
 


我想巧兒剛受了喪子之痛，也不好維護小橋，與她作對，
 
但由她這般對小橋喝罵，我又實在看不下去，只好想個法子讓她們和解。
 
「發生左咩事啊究竟？係咪有咩誤會啊？」我問道，想要先了解實情。
 
「你自己問佢 …… 」巧兒轉過頭去，也不想多看小橋一眼。
 
「都係我唔好 …… 我心急想快D行返路，咁咪想係個廳慢慢練習下，
 


點知我又企唔穩，一路行一路跌下跌下，
 
咁岩巧兒係房出黎，我一個唔小心就成個人仆左落佢度，
 
搞到佢都跌低埋，跟住佢就話個肚隱隱痛啦。對唔住啊 …… 」
 
小橋說著已經一臉死灰，再無平時的鬼馬精靈。
 
「淨係咁咋？」巧兒啐了一口，「你唔講埋你點樣拖延，唔幫我叫白車？」
 
我想小橋為人和善，即使與巧兒積怨再深，也不致會見死不救。
 
「唔係啊 …... 咩啊 …… ？」小橋大驚道，「係你自己話唔想去醫院架！」
 
 


 
我聽她們二人各執一詞，也聽得糊塗了，
 
到底事實如何，也只有她們二人才知。
 
但這時另有一事卻更叫我留意，就是大橋的表情，
 
自小橋和巧兒爭論始，大橋的臉色就一直蒼白，
 
只是低過了頭，不敢作一聲。
 
大橋雖然平日為人害羞怕事，但此時見她的樣子，卻又如平日不盡相同，
 
我見她神色古怪，直覺告訴我她定是知道當中甚麼隱情，只是不敢當眾說出。
 


「我幾時有啊？」巧兒斥道。
 
「係 …… 係你同我講唔想去醫院，我先打比浩賢，叫佢諗辦法，
 
點知等極佢都唔到，所以我先遲左送你去醫院咋！」小橋說道。
 
我回想剛才小橋在電話裡說的，確是說過「夾硬」把巧兒送到醫院，
 
言詞間似是巧兒極不願意，但巧兒又何用砌詞冤枉小橋？
 
我想著心裡又是千個疑問。
 
「係我跌左係地，你借D意打比浩賢，遲遲唔叫白車啊，
 
想我無左個仔，你咩心腸啊？」巧兒問道。


 
我聽著始終不能相信小橋是如此一個陰毒的惡婦，
 
但要說巧兒會誣衊小橋，也是難以置信，想當中定是存著甚麼誤會。
 
 
 
我想小橋和巧兒素有積怨，自不免也總有點偏見，
 
想到雙方只是存著誤會，而不是為對方惡意捏造罪名，不禁又鬆了口氣。
 
「我地比巧兒冷靜下先啦。」我對小橋說，
 
一邊推起她的輪椅，「你幫我睇住巧兒先啦，我一陣返黎。」我轉頭又對大橋說，
 


只見她仍是神不守舍，心事重重的。
 
當下我也不以為意，心想只要晚點再向大橋打聽，事情自然水落石出，
 
還是先把小橋帶走為是。
 
「原來我都差D比佢呃左，等我仲咁自責。」出了病房後小橋說道。
 
「唔會既，可能有D誤會姐。」我說，一邊把小橋推至醫院外散步。
 
「唔係啊，我地講既兩個版本，唔係因為觀點角度唔同啊，
 
而係真係有一個人講緊大話啊，」小橋說道。
 
「可能巧兒 …… 太傷心所以亂講野姐 …… 你唔好咁話佢啦 …… 」
 
「唔係架，佢心術係有D問題架，」小橋把按住我的手，
 
要我把輪椅停下，「你仲記唔記Khloe走之前同你講過咩？」
 
我搖了搖頭，實在不記得。
 
每次我和Khloe吵架，她總是說我不上進，沒出色之類的，
 
罵得多了，詳細的我也已經不再記在心裡。
 
「Khloe話過，呢個女人係信唔過架，我唔知巧兒同你講過咩，
 
但係今日睇黎，佢話Khloe既野，可能全部都係老作架咋 …… 」
 
我聽著心裡一震，若小橋所言非虛，巧兒真是一個這麼攻心計的女孩，
 
那麼Khloe與Kelvin的事，莫不成是假的麼？
 
那麼與阿楓呢？又是怎麼解釋？
 
我想著想著，只有更多的疑問。
 
「係呢，Mei姐呢？你無叫佢黎？」小橋忽然問道。