條女話我淨係識同佢扑野 , 要同我分手: 陸拾捌

我把巧兒的名字供出，全場迎來一片肅靜，誰也不敢作半句聲。
 
Meimei與大小二橋自然不知道巧兒是誰，
 
但巧兒既是攝合Khloe與阿楓的小媒人，又聽她稱Khloe為「Khloe姐姐」，
 
顯是二人關係親密，Khloe沒理由不知道她。
 
「巧兒 …… 」Khloe冷笑一聲，「巧兒 …… 點解你好揀唔揀要揀佢？」
 


我想Khloe跟巧兒大概也如跟Meimei一樣，是情同姊妹，
 
她定是要惱怒我跟她的姊妹胡混，但她既然忍受得了Meimei，
 
多一個巧兒又何妨？我想著不解，只知求饒為重。
 
「唔係啊 …… 我唔想架 ……
 
佢約我出黎架 …… 我地都係飲大左先會 …… 」我忙道。
 


「佢約你出黎？你同人地好熟？」Khloe冷道。
 
「唔係啊，係因為個日你同 …… 」我說著又不敢當眾提起Khloe與阿楓的事，
 
只好轉過說別的，「總之係因為阿楓啦 …… 佢話要同我傾佢D野，
 
咁我見到佢係度飲，我都諗住即刻走啦 …… 」
 
「咁你唔走？見到人地對波大過我就唔捨得走啊？」Khloe罵道。
 


「你講咩波大唔波大啊？關咩事啊？」我聽她把話說得過份了，不由得生惡。
 
「唔係咩，咁你又留係度陪人飲？人地叫你陪你就陪？」
 
「你講下道理得唔得啊？」我說著也開始激動。
 
「我唔講道理？」Khloe又冷笑一聲。
 
「你可唔可以唔好成日都係咁啊？」我再受不了Khloe的脾氣，
 
旁邊三女見狀也是大急，忙著過來把我勸住。
 
「係啊，又係我問題啊，你個巧兒最好！」Khloe氣道，臉上都氣得火紅。
 
「我留係度同佢飲，都係因為想聽佢講你D野姐！」我被三女勸住，


 
終於沉住氣，把實話說出來。
 
「聽佢講我D野？」Khloe冷笑，「你有野唔識問我？你聽佢講，
 
聽佢唱衰我啊？」
 
我把實話托出，Khloe卻仍是句句有骨，絲毫沒有讓步，
 
我聽著不由得再也忍不住了。
 
「唱衰你？你行得正企得正怕比人講？」我說道。
 
「我而家講緊你同條大波妹打野戰啊！！」
 


Khloe也是怒上心頭，一時兩人針鋒相對。
 
「我講緊你同兩條仔唔知搞乜啊！！我知啊，你嫌我窮，嫌我無學歷，
 
人地Kelvin樣樣都好過我，個日佢車左你返屋企做咩啊？」
 
「你講咩啊？咩Kelvin啊？」Khloe似是準備矢口否認。
 
「你扮咩啊？有錢過我條仔啊，你同日夜夜笙歌個個啊！
 
我本來都唔打算講，諗住當無野，係估唔到你無恥到唔認姐！」
 
我如此連珠炮發，罵過不停，不留半點餘地，把知道的事都盡說了。
 
「我無恥？我夠你周街同人扑野無恥？你係咪痕得咁緊要啊？」Khloe續罵。


 
「你呢？你同Kelvin晚晚搞，你又估我唔撚知啊？
 
我再衰，我次次都係醉酒先會亂黎。你呢？我同你分開左半年，
 
你同過幾多條仔搞啊？仲要跟人入殘廁，我已經無講啦，
 
你仲要話我？！好心你自己照下鏡先啦！！」我氣道。
 
「我幾時同Kelvin晚晚搞啊？！」Khloe氣得兩眼通紅，似是含了極大冤屈。
 
「仲扮？巧兒講晒我知啦！如果唔係我點會傷心到要搵佢黎出氣啊？」
 
「啊，好啊，佢講你就信，你同人扑野，打野戰，打到比人拍片放上網，
 


全部都係因為我啊！」Khloe說著又開始執拾自己的物品，
 
似是又回到最初那時一樣。
 
「唔係因為你？你估我好好受啊？比人拍左上網我好開心既？
 
我同佢搞完佢要我負責任你估我又好想？你以為我真係鍾意佢？
 
我唔鍾意啊，我鍾意個個係你啊！但係如果你似佢一半就好啦，
 
至少同佢一齊，佢唔會成日鬧我，佢會識笑，佢唔會同第二個男人亂搞啊！」
 
說罷「拍」的一聲，Khloe一記耳光已經向我打來。
 
「你記住你今日講既野 …… ！」Khloe說罷氣沖沖的走了，
 
任其餘三女如何也再留不住。
 
「留低佢做咩姐，我地四個咪一樣咁開心 …… 」我裝作無事，
 
又拿起桌上的食物有的沒的吃起來，心裡卻是說不出的難受，
 
沒有了Khloe，又那能像剛才般快活？就怪開心的日子總是苦短。
 
 
 
Khloe走後，誰也不敢發一言語，生怕把話說錯，會令我難受。
 
「你快D去搵返人啦，」小橋首先說道，「我地咁辛苦幫你搵佢返黎，
 
你又鬧走人，都唔聽人解釋既你 …… 可能個咩巧兒真係狐狸精，
 
一路呃緊你呢，我信Khloe架，佢點會咁唔自愛喎。」
 
我聽小橋說得頭頭是道，覺得不錯，但轉念又想起巧兒那張天真童稚的臉，
 
十足就是個毫無機心的孩童，又那會騙我？
 
再說，欺了我對她又有何得著？
 
「搵佢返黎做咩啊？返黎激死我？」我說道，卻是裝得毫不上心。
 
「Meimei你勸下佢啦，我地咁辛苦幫佢同Khloe和好。」
 
小橋知道一人說不服我，便找Meimei同來。
 
「你聽小橋話啦，唔理你地邊個真邊個假，又唔理佢有冇做到啦，
 
你頭先咁樣話Khloe，對一個女仔黎講係好Hurt架。」
 
Meimei也與小橋連成一線，要我把Khloe勸回。
 
我想著不錯，她們二人都曾經千辛萬苦替我把Khloe追回，
 
小橋那日在殘廁外死纏，Meimei卻是在家門前跪地，
 
兩女都替我盡費心思，此時卻被我一時氣話，都使一切付之流水。
 
「佢要返黎自然會返黎啦。」我說，其實心下已然讓步，
 
只要她們再勸說兩句，我好下台，便會追出去。
 
「你成世都係咁架，」小橋說道，「我唔係成日可以幫你追返個女朋友架，
 
好似我而家咁，行唔到，唔係成日有人幫你架，
 
你再係咁真係成世都無左Khloe架啦。不過算啦，我知點講你都唔會聽。」
 
「一個女仔比人Hurt得好深，會自我放逐，自甘墮落，我都試過啊，
 
就算Khloe真係咁唔鍚身，你都唔應該怪晒佢架。」Meimei說道。
 
我聽她們你一言、我一語，就是沒一句再要我去追，
 
心下好生為難，若貿然追出，定然面子全無，不再麼，Khloe又當真會一去不返。
 
如此想著念著，天色不覺已經向晚，要追也再追不著了。