條女話我淨係識同佢扑野 , 要同我分手: 卌玖
這下可真夠驚喜，小橋竟與Khloe同來，
而我卻是赤條條的在Meimei家裡，這次當真是水洗也不清了。
但見Khloe兩個眼圈一紅，轉過頭去想要走。
小橋沒有為意，只是拉著她，笑道：
「拿，我幫你勸掂左Khloe啦，仲唔快d多謝我？之後就睇你自己啦。」
原來Khloe沒有跟小橋說起Meimei的事，也沒告知她這裡是Meimei的居所，
才弄出這麼一個誤會來，真是要太感激小橋了。
「我 ……. 黎沖涼咋 …… 唔係你諗咁架！」我連忙拉著Khloe。
「賤人，」Khloe被我拉著，
即轉過身子來，反手打了我一記耳光，「等我仲信你真係會改，真係會變好，
點知你都係 …… 」Khloe說著嘩的一聲哭了出來，「我仲蠢到 ……
蠢到諗住你係Meimei屋企都會同佢無野 ……. 點知你地日光日白係度 …… 」
「做咩啊？」小橋大惑不解，「有冇人講我知咩事啊？」
「都係多得你，你做咩帶埋Khloe上黎啊！！」我對小橋怒喝。
「咩喎 …… 」小橋被我這麼一喝，眼圈都紅了，
可始終忍住不哭，「我為你好姐嘛，幫你搵返個女朋友返黎仲鬧人，
好心無好報，以後唔理你啦！」
「咁你做咩唔係電話度講啊？」我怒道，「你至少都比我知先丫！」
「咩姐，咁想比個驚喜你丫嘛，同埋我地上黎都唔係為左呢件事！」小橋答道。
「你自己衰做咩話小橋姐，你自己身無屎，怕咩我知啊？」
Khloe此時竟維護起小橋來，與她同仇敵慨。
「我真係黎沖涼咋，我地咩都無做過！」我說，這話不假，
剛才被小橋打斷了，我和Meimei當真甚麼也沒有發生，「你唔信問Meimei啦！」
我轉過頭要找Meimei，卻見她只裹著浴巾，兩眼通紅的站在廳中。
「你做咩唔著返衫啊？！」我的謊言被當場識破，不禁惱羞成怒，
對Meimei也喝罵起來。
「我 …… 聽到你地係出面咁嘈，擔心你有事咪趕出黎睇下咩事囉 ……
我無心架 …… 」Meimei此時也禁不住哭了出來。
屋內一時如此僵持著，也不知如何收場。
「你無野好講啦？」Khloe激動地說，「啊，唔係，係我對你地唔住先真，
我同小橋上黎阻住你地搞野。黃生你一世都唔會錯架嘛，錯既永遠係人地，
就算你有錯都係人地令你做錯！」Khloe已經怒得不再哭了，「小橋我地走啦。」
說著Khloe拖起小橋的手要走。
「但係 …… 」小橋被Khloe拉著走，有點不知所措，
向我打了個眼色要我給她指示，顯是要我把Khloe留下來。
我看著小橋，就只記得今天的事端都始於她一人，這口氣又怎消得下？
於是我只冷眼看著小橋，半點也不理睬她，準備要把大門關上。
正以為Khloe與小橋會就此離去，只披著浴巾，
一直在我身後大廳的Meimei，卻突然衝到門前，拉著Khloe。
「做咩啊？鬆手啦！」Khloe用力想把Meimei掙脫，Meimei卻緊緊抱住她的腰。
「對 …… 唔住啦 …… Khloe …… 你聽我解釋先啦 …… 」Meimei說，
已經哭成了淚人。
「有咩好解釋啊？你地都搞到咁啦，仲有咩好講啊？
我又唔係你地邊個？我咁多事做咩？」Khloe答道，使力的把Meimei推倒在地，
害得Meimei綑在胸前的浴巾鬆開了，一絲不掛的跪倒在地。
Meimei被推跌在地，全身赤裸，一身雪白的肌膚無遺的呈在眾人眼前。
此時大門仍打開著，若Meimei的鄰居正好要出門或是回家，
則有幸可以飽覽這錦繡的春光，不知會羨煞多少人。
Meimei雖然如此狼狽，卻仍不死心，死命的拉著Khloe的足踝，不讓她去。
「你聽我講先啦 …… 我對你唔住 …… 」Meimei已接近崩潰的邊緣。
「你睇下你自己似咩樣先啦 …… 點解要咁犯賤 …… ？」Khloe口裡雖罵著，
眼淚卻一邊流下，也不知她是在罵Meimei或是她自己，
只知Khloe見Meimei如此慘狀，也再硬不起心腸來。
「你披返條毛巾先啦。」小橋看著不忍心，連忙拾起地上的浴巾，
給Meimei披著，「Khloe啊，你聽下佢講先啦，雖然我唔知你地咩事，
但係佢好慘咁啊，」小橋勸著Khloe。
我見小橋如此假惺惺，心裡又是一怒，
都怪她把Khloe惹了上來，此是卻又裝甚麼好人來著？
Khloe看見Meimei如斯模樣，早已於心不忍，又聽小橋勸說兩句，
當下點了點頭，終於肯步回Meimei屋內，小橋見她答應，也是一喜，
忙著把門快快關上，免得Khloe又改變主意。
Khloe扶起Meimei，與她在沙發上坐下。
「你有冇事啊？」Khloe關心了一句。畢竟Khloe與Meimei也是多年好姊妹，
又怎能真的惱怒她？
Meimei見Khloe對她關顧，也沒從前的兇悍，當下搖搖頭，又重現笑容來。
Khloe見Meimei沒有大礙，頓時鬆了一口氣，想與她再問暖兩句，
正要說話間，卻斜睨了我一眼，目光中仍是滿滿的惡意。
我看著不解，不知為何Khloe對Meimei如此友善，對我卻總是這般冷漠，
始終不肯原諒我。
小橋見狀，立即會意，知道Khloe要我迴避，便拉起我的手入房。
「做咩啊？」我對小橋仍是十分不滿，覺得都是她多管閒事而起。
「行先啦。」小橋拉著我到睡房。
「唔行啊！入去做咩啊？」我怒道，心中只想多看Khloe一眼。
「你入去我講個秘密你知。」小橋笑道，也不介意我對她如此無禮。
「咩秘密啊？」
「你唔想知Khloe留低條鎖匙有咩用咩？」