條女話我淨係識同佢扑野 , 要同我分手: 貳
我和 Khloe 吵架是常事，我也沒意會她這次是認真要和我分手，
還想著過兩天她就會低聲下氣的和我復合，直到這晚我接到一通電話，
我才知道，她不是鬧著玩。
「喂，你同 Khloe 搞乜呀？」電話的另一邊是她的好姊妹，Meimei。
「下，我同 Khloe 搞乜呀？」
「你真唔知定假唔知啊！」
「我真係唔知喎，做咩啊？」
「仲問我？佢乜都同我講晒啦。」
「下？講咩啊？」
「唔好扮野喎你，你好快d黎tum 返你女朋友啦，佢呢幾日賴死係我屋企要我晚晚陪佢飲丫。
我都要返工架，雖然話佢係我好姊妹姐，但係咁落去都唔係辦法架，
我屋企都唔係避難所啊，佢個款仲想要長住落去咁喎，
我唔理啊，你過黎扮狗叫又好，扮猩猩跳舞都好，唔該你快d同我接返走佢啊！」
「下？」我聽得有點莫名其妙。
「唔好下啦，你過左黎先再講啦！」
雖說Meimei是Khloe的好姊妹，但這些年來我和她的對話實在也不超過十句，
這次她竟會主動打電話給我自然不會是跟我開玩笑，
我更無猶疑，便上了她的家去找Khloe。
Meimei 住的是私樓，不大不小，勝在裝修雅致，
屋內燈光沉黃，傢俱多選木製，有著一種浪漫的情調。
「嘩，你屋企又幾靚喎。」我說道。
「Ok 啦，正正常常咁囉。」她笑道，表情有點得意。
「咦，你d屋企人呢？」
「我自己一個人住架！」
「下？你邊到黎咁多錢？」
「你好蠢架！我屋企人有咪得囉。」
「佢地叫你搬出黎住架？」
「哎呀，你唔好問長問短啦，你理得我咁多姐，唔係叫你黎查我家宅啊，講左咁耐你都無關心下Khloe既，唔怪得佢嬲左你啦。」
「係喎，差d唔記得左添。」我笑得有點尷尬，「佢係邊啊？」
「佢係我間房訓緊啊，過黎啦。」
說罷Meimei帶我到她的臥室，她走在我前頭，
這時我才第一次瞧清楚她的打扮，
她穿著一件豹紋款式的雪紡連身睡裙，
露出了雪白修長的雙腿，保守估計也有40吋，
臀部微微翹起，很是誘人，看得我都想入非非。
「殊 …… 」她示意我不要作聲，「佢仲訓緊啊，都係唔好嘈醒佢住啦。」
她轉過頭，一把棕色的直髮向我飄來，但見Meimei的皮膚白皙，有著圓圓的大眼，
畫了微微的黑色眼線，嘴唇卻塗了鮮色的口紅，是一種略帶野性的性感，好看極了。
唯一要挑剔的就是她正身在家中，如此派對式的打扮似是有點誇張。
「望夠未丫，眼金金咁！」她身手輕輕在我頭上拍了一下。
糟了！我剛才用色迷迷的眼神看著她了麼？
「咁掛住人就對人好d啦，Khloe 好愛你架。」
原來她以為我是看著Khloe，我頓時鬆了一口氣。
這時，床上的khloe翻來覆去，快要睡醒，只聽她口中念念有詞，不斷呢喃著：
「黃浩賢 …… 我憎死你 …… 憎死你 …… 憎死你 …… 」
原來她在睡夢中也如此恨我，我轉過頭看一看Meimei，
她搖了搖頭，也為我嘆一口氣。
「你地慢慢傾啦，我出去執返好D野，」Meimei 說，「我唔理你用咩方法，總之你同我帶返你女朋友走！」
臨走前Meimei向我扮了個鬼臉。
我走入房中，見Khloe仍未完全醒過來，便坐在床邊伴著她睡覺。
Khloe與Meimei是個很大的對比，她不愛塗脂抹粉，
與她一起的兩年間也未見過她化妝的樣子。
不過也不要緊，Khloe天生皮膚嫩滑得像脫了殼的雞蛋，
面頰兩邊長期都是淡綻著微微的粉紅，微笑時更有著小小的酒窩，是個清秀脫俗的可人兒。
我看她的睡態看得入迷，不禁伸手輕輕撥弄她的頭髮。
那知這輕輕的一撥，竟把Khloe吵醒了。
她緩緩睜開眼，怔怔的看著我，然後揉了揉眼睛，似乎不敢相信我就坐在她身旁，
「點解你會係度既？」她淡紅的嘴角露出甜笑，溫柔地問我。
「我黎接你走囉，你繼續住係度會阻住Meimei架。」
「你過黎就係為左唔想我阻住Meimei？」剛才的甜蜜突然蒸發。
「唔係過黎做咩啊？快d起身啦，我地走啦。」我說。
「你要走自己走。」她轉過頭去，不理睬我，語氣冷淡得很。
「做咩又扭扭擰擰姐，唔好又發小姐脾氣啦，好冇？」
我見Khloe如此任性，無名火又起。
那知在我發怒之前，她竟搶先一步，
轉過身來，用力推了我一下，
我反應不及，已被她推倒在地，額角撞在牆上，痛得要命。
「你唔係掛住我，你過黎搵我做咩啊？定係你鳩痕要扑野先返黎搵我啊？
走啊，你同我走啊！我唔想再見到你！」她厲聲喝道。
「你講下道理好冇啊？」
「講道理？」她冷笑了一聲，「你唔走丫嘛，好，我走囉，我已經唔想再同你講野啦。」
說罷她橫衝直撞的往房門外走，我本以為Meimei會勸住她，
怎料接著又是「嘭」的一聲，當我走到大廳，已不見了她的蹤影，想來Khloe已經氣沖沖地離開了。