注定一生只能愛兩個女人: 22

“一定要冷靜呀！“把聲音制止住我講落去，我個身體仲好似俾佢控制左咁定格，我全身磞緊晒，把聲又響起:你冷靜左未？“ 我死命用腦諗係。跟住個身體一鬆番就好似虛脫咁散曬，我又準備暈la。。。 “阿風，我唔嬲你la，你唔好嚇我呀！“我隱約聽到阿怡咁講，我醒番之後訓左係醫療室，我連郁手指頭既力氣都冇，淨係攤左係度咁望個天花，可能最近發生太多事，令到我有小小攰，係我沉思既時候，我發現有d事應該發生左，但係我一真察覺唔到。 阿怡不嬲知我以前中意詠儀架la，冇理由而家生嬲我既，而且係嬲都冇理由咁捕風捉影同大反應架，一定有d不可告人既秘書。。。。 我諗番起同阿怡去元朗果日，佢由果日開始發嬲，我諗應該關果日見到詠儀事。我記得果日陸子軒好惡咁對詠儀，我諗佢地感情可能出現左d問題，我思前想後推敲件事既細節，應該俾我估到十離八九。 自從呢件事之後，我習慣每日揾一段時間到一個少人既地方思考，冷靜自己，回想下有冇做錯事，會唔會有事發生左我唔知。因為我地每日不斷接收大量信息，有時令到我地好混亂，所以要得閒沉澱下、過濾下。。。個人都會沖和d。我要知道成件事既細節，於是我去套下愛琳，因為佢實知d野，我小息果時到搵佢，我首先扮無知，因為人喜歡優越感，喜歡做到其他人做唔到既事，喜歡知道人地唔知既事，我問“阿怡近排好似唔係好開心咁，係米發生左d咩事？？““乜你咁烚架。“愛琳鄙視道。我就知佢知d野既，我央求道“求下你話我知la，我驚佢諗埋一邊。““好la好la“愛琳不耐煩道，我就知道愛琳是受不起軟語哀求的人。。。 原來阿怡發現詠儀而家好似又中意番我，而且有d跡象想同我一齊，於是開始驚同緊張，搞到成日好易嬲。 我聽完之後個心情有d複雜，因為冇諗過件事會變得咁複雜，情愛家野真係好煩。

  -｛家陣點呀 起雙飛呀！｝