注定一生只能愛兩個女人: 20

行呀行呀，一路沿住馬路行入去。我地對正左個太陽，曬到pk。於是我諗住擋一擋個太陽，就行去另一邊。。。屌，點知唔夠高，柒左。我牽強地對阿怡笑，不過佢冇介意，反而好開心咁，我都總算安慰。。。。 一路行入去，搭左架厄錢船，入到去坐低左係樹底。 唔知係米因為行得太耐有d倦，我地冇出聲，淨係靜靜咁望住其他人放飛機、踩單車。。。 慢慢雙眼開始模糊。。。 “轟！“我嚇一嚇，望到周圍都係頹門敗瓦，又“轟！“一聲，我意識先慢慢回復，阿怡好似感覺到我有異樣，問我:“你無咩丫嘛？“ 我吃驚道“世 界 末 日。“ “你話咩話？？“阿怡聽唔到。 這時我才認清四周，一切都係幻覺，我勉強道“我以為見到世界末日之嘛。。。“ 阿怡輕笑道“咁你果刻諗緊d咩丫？？“ 我又諗起果個恐怖既感覺，好絕望，好真實，我仲有小小怕，所以講唔到野。。。 我良久才道“你，我淨係想同攬住你。。。“ 說罷，我緊緊的抱着阿怡，阿怡以為我tum緊佢，其實我真係好驚好冇安全感，我以為自己好大膽，面對一切事都可以處之泰然，我以為我夠膽挽笨豬跳，我以為我可以將地獄當成康莊大道，原來我面對死亡係咁懦弱，平時一切既勇敢都係扮出黎，係真正絕望面前係幾咁脆弱，我從來都唔係現實咁英勇，只係會逃避我唔想接受既事，我只係想同你一齊過咋。。。。 我有一種好強既無力感，命運之下我係幾咁渺小，一切我控制唔到，我好怕我會失去一切，我仲想挽、仲想食、仲想做好多野架，最重要。。。係我唔想失去你。。。 人類往往都係唔見棺材，唔留眼淚，到最後一刻先後悔，後悔冇做既所有野，後悔當初自己冇英勇d。。。後悔自己既懦弱令到自己一生遺憾。。我。。唔想後悔。。。 “阿怡。。。唔好走呀。。“媽的！我哭了！ “我冇走喎。。。“阿怡奇怪道。 “唔係呀。。。嗚嗚。。。“我哭得講唔到野。。。 “我唔走。。。乖。。。“阿怡安慰我。。。 我攬得阿怡好緊好緊，好似我一鬆手佢就會飛走。。徐徐唱出。。。
I bless the day I found you. I want to stay around you. And so I beg you, Let it be me.   Don't take this heaven from one.If you must cling to someone. Now and forever, let it be me.   Each time we meet love, I find complete love. Without your sweet love, what would life be.
“阿怡，做我女朋友好嗎？“

  -｛我一生最不後悔就是說出這一句｝

ps:尋晚早訓 今日出多篇