注定一生只能愛兩個女人: 13

“好頹喎阿風，得60碼咋喎，失戀果個好似係我喎“豪哥婉轉問我。 “呀！“啪！我一揮棍粒波飛左去個網度。 “屌。。。。坐陣先la“ 豪哥睇得出我唔開心。 “一睇就知係因為阿怡俾黃子華搶左la！“屌！我成日都俾人睇穿既。 “唔好講我la，睇下你搞乜？“我沮喪地說。 “我呀。。。咪又衰佢最憎果幾范，咸濕呀、爛囗囉，不嬲都係咁架la。“豪哥毫無悔意。“不過佢今次好似好認真，仲喊左添。“ “你唔去安慰佢？？“我問。 “浩仔會去架la！“豪哥有意無意咁講。 “屌你原來一早知架？！“我大聲小小咁講。 “你咁講姐係你都一早知la！“豪哥有d惱羞 “點同呢！你溝人女神喎！“我有點兒激動，可能我有小小代入左浩仔。 “我溝佢果時仲未知架！“豪哥感到不公。 “咁你。。。。。唉。。。“我駁唔到落去，畢竟感情好難講對與錯，豪哥都係溝女姐，女神都係想有個人（朋友）安慰佢姐，只係可憐左浩仔囉，一次又一次失望。。。。你話女神俾希望人地、收兵好仆街，掉轉頭諗可以話浩仔自己中個頭埋去同ff太多。唉。。。總之感情一講feel就好殘忍，只係顧自己感受，冇諗到其他人點諗，最後總係有輸家出現。。。。好似豪哥同女神咁。。。成日因為女神身邊d狗公嘈交，豪哥又唔信任女神多d，女神又唔避忌下。。。。唉！總之就好撚麻煩la。 “做咩呆撚左呀？！“豪哥問我。 “冇。。。我係度諗緊。。。真正愛一個人係希望佢擁有最好定屬於自己呢？“我喃喃道。 “我唔知呀。。。。不過俾我就狗衝左先。“豪哥認真道。 所以咪失敗收場囉。。。。我心又面諗，冇講到出黎，太仆街la。。。 “做咩咁問呀？想讓阿怡俾人呀？！“豪哥唔放過我。 “下。。。。係掛。。。“我没力說。 “你諗都唔好諗呀！阿怡擺明中意你la！“豪哥激動說。 “我。。我。。。我唔知呀！我唔知自己係因為見到黃子華太完美所以自卑定因為見到佢地成日一起所以妒忌呀！我語知呀！有一刻我真係好想放棄架！我以為我可以好偉大咁放棄。。。但係我做唔到呀！我以前都試過咁諗架la，但係我發現我既生命已經係充滿佢，我已經習慣左有佢既生活la，佢唔係我身邊果想我不停想起佢，想起一齊既回憶呀！去玩具反斗城我諗起佢，去戲院我諗起佢，就連我見到同款書包我都諗起佢呀！如果比喻我同詠儀。。。我會話似流星，係我生命掠過，亦曾經好光彩。但係阿怡就好燭光，照亮我、带我走出黑暗、永遠陪伴我、失去佢既時候會好驚。。。。“  

-｛感情可能會完，但記憶。。。係唔會完架｝