注定一生只能愛兩個女人: 4

嗚嗚。。。hehe阿風阿風。。。。嗚嗚。。。阿風過黎la.... 呼吓。。。今次個夢咁怪既？？詠儀同s女仔個樣不停重疊，一時笑一時喊，搞到我好亂啊。。。突然。。一個我唔敢想像既念頭浮現。。如果詠儀係真既。。。咁s女仔。。。 唔好亂諗la，我又ff過龍la。都係用一個「唔撚理」既心態狗衝la，其實唔撚理三個字真係害死唔小人，唔撚理紅燈俾車車死，唔撚理阿媽搞到成日嗌交，最慘係咩都唔撚理，呢廷人最仆街。 行下行下又到學校，中一既時候大家都係挽下BS同爆旋陀螺架la，大家傾下傾下又識左d新朋友，有大性大情既豪哥，純情小生浩仔，同肥毒三角形。 第一堂就上數學，我不嬲數底好就唔聽個黃sir講野，同虫仔挽緊擦膠爆旋陀螺（仲好小學雞），虫仔隻蒼鷹high得濟，打中左詠儀，我即刻丢左佢舊膠去後面，又呵番詠儀，成機摸下佢隻手，俾我賣左既虫仔既不爽又葡萄，我將我既注意力集中係詠儀度。。。我發現佢卡住左條題目，我老鍊都扮下勁la。哇，咁又博到唔少身體接受，不過唔好誤會，我冇歪念架，只不過係增進下感情姐。。。。 日復日甘過左成三個月la，我同詠儀變到無所不談，番學俾佢打下，我又抽下水，呢段時問可以話係最開心既日子。就算冇甜言蜜語，就算冇拖手，就算係簡單到我望住你笑我已經無慾無求la。 經過三個月既相處，我對詠儀已經有充份既了解，佢最中意食黑朱古力（同我一樣），所以我日日都請佢吃、最中意一隻奇怪公仔，後來我發現係條蕉，一切一切都好美好，可惜。。夢。。總係要醒。。。 事情變得好快，轉捩點係陸運會。。。“阿風，你有冇參加野呀？“詠儀好興奮走埋黎講，“落去傾la“ 我諗住可以單獨相處下。 一路行一路，詠儀突然行埋一角同我講，“阿風。。過黎丫“ 我又開始ff la，會唔會。。。“阿風 ？你有冇聽我講野架？“詠儀略感不滿咁打斷我ff。“做咩啊？我又得罪你呀？“我好輕挑咁講。。。。詠儀竟然冇打我？！！！！我次次咁做都俾佢打到遍體鱗傷架喎。。。哇！仲要面紅紅咁。。。 “阿風啊！“詠儀大叫左聲，跟住細細聲話。。。“我呢。。。好似。。。有小小。。。中意左。。。“一聽到呢度我已經差唔多暈la，我好激動問:“邊個啊？！“。。。 “陸子軒。。。。“呯！  

「【多情自古空餘恨，好夢由來 最 易 醒】我。。。係時候醒la」